Kalabihedha Mavidiyu wi Wasunzihena Anamasunzawo

Mavidiyu na mafoto dhinowattukulela attu ovuruwana vina dhinowakamihedha ononelamo na wubuwela dhinsunzani. Namasunziha wehu Munddimuwa, Yehova, olabihedha vitagano dhowoneya wi asunziyena masunzo a ttima. (Wita 15:5; Jer 18:1-6) Namasunziha Munddimuwa Yezu, vina okosa yakene. (Mt 18:2-6; 22:19-21) Vyaka dhivirile, ewoneya-wene wi olabihedha mavidiyu marhe a deretu osunzihana. Weyo onolabihedha mavidiyu wi wasunzihena anamasunza awo?

Asasanyedhiwa mavidiyu owakwana kumi wi anikamihedhe osunzihana brochura Miselu Dhapama Dha Mulugu! Akalawo mavuzo anakuliwa na mavidiyu asasanyedhiwe. Mu site jw.org, dhikalawo vipaddi dhinniwodhiha wona vidiyu modha-modha. Ottiya ejuwene, ahikalawo mavidiyu mena anfwanyelihu olabihedha na manivuru a osunzihana ali Mbudduni Mwehu.

Okana namasunzawo ohinonelamo deretu mutoma onsunzinyu? Iyene onogumanana dhoweha? Egakala dhawene, kapepesa mavidiyu anamukamihedhe namasunzawo mu site jw.org® vina JW Broadcasting.® Txino weyo vamodha na namasunzawoya munowona vamodha vidiyuya, mugamala bamulogela esunzilenyu.

Myeri dhotedhene, anokalagawo mavidiyu maswa. Mudhidhi bu mudhidhi ononiwe vidiyu, kobuwela mukalelo ogalabihedhiliwe wi wasunzihena attu ena.