Txini Ensunziwe na Jibo Dhehu?

Jibo gani enuzivela? Enuzivelela nni? Ohizinddiyela wi vidiyu dhinlagihiwa mujibonimwa dhinloga mwaha wa yeddelo ya labo na labo? Kawo onloga wi kayiwo jibo enimuzivela, vowi jibodha sottiyana-ttiyana. Vina niziweni wi jibo esi vamodha na vidiyudha dhinlagihiwa kahiye visangu-sangu dhowaredhiha.

Jibo modha-modha enonivaha masunziho a weddana mwigumini mwehu mwa o’Kristu vina maswagiho a olabana mmabasani olaleya. Jibo dhina dhinnisunziha ekalelo ya wawakela aleddo, wiwanana, wasakula amarho, oliba murima, okwelana vina okana nroromelo. Dhina dhinivaha malago a omuyiyelana Yehova, olevelelana, ororomeleya, vina ozuzumela mabasa a Mulugu. Ekalawo jibo enloga mwaha wa okana malago a olabana muttitto. Masunziho gani mena akanilewi mwari mwa jibo dhehu?

KONA VIDIYU ENA MUTOMA PARAIZO OLI VAKUVI, OGAMALA WAKULE MAVUZO ABA:

• Mareliho gani a musogoro anubuwela atelani abale a anakalaba? —Wita 12:3

• Ninkanela nni nikuluvelo nawi Yehova ohikana owodha wawakwanihana dhopikirela dhaye?

• Dhopadduwa gani dhohagalaliha dhinfuna wireya ovanene?

• Ojedhela dha musogorho onnikamihedha dhavi ovilela mufwara-fwariwani?—Rom 8:25