Kakala Wovyettekene Sabwani Omagomo Oli Vakuvi

EKALELENI YAMAKAMAKA: Mohigonela dhinele opadduwa dhilobo dhinafuneye woniha oliba murima vina omukuluvela Yehova na murima wotene. Goyi enddimuwa enarome marelijiau onyengetta agatolotxiwa. (Mt 24:21; Ovuh 17:16, 17) Nsaka ntto ninakale norutxa vaddiddi, txino enele ofuneya olaleya muselu wottonga. (Ovuh 16:21) Ninele olupeliwa na Gog ya elabo ya Magóg. (Ezek 38:10-12, 14-16) Yehova onavune nlogo naye egatatamuwa ‘koddo enddimuwa enromoliwa Armagedón.’ (Ovuh 16:14, 16) Wila niwodhe ovilela dhinapadduwe musogorho, enanikamihedhe ja iyo okalagavi wororomeleya nigagumanaga na makattamiho nsaka nttino.

ONAKOSE DHAVI:

• Nivilibihedhe widda esile dhinimusilidha Yehova.—Iza 5:20

• Kutxelele otugumana vina olalelaya na Abali.—Aheb 10:24, 25

• Dhotedhene dhinnaddela Yehova alabihedhaga nikuru naye, niwelele.—Aheb 13:17

• Wubuwelege mukalelo ovunile Yehova nlogo naye masaka a mundduni.—2Ped 2:9

• Omuroromele Yehova, kuttiye olobela.—Masal 112:7, 8

KOONA VIDIYU MAPADDUWO A MUSOGORHO ANAFUNEYE OLIBA MURIMA​—OGWADDELA, OGAMALA WAKULE MAVUZO ABA:

• 

  Wiwelela wa abali wehiwe dhavi mudhidhi ottomeliwe abaliya milogo dhottiyana ttiyana?

• 

  Oliba murima oniwanana dhavi na wiwelela?

• 

  Enafuneyeleni oliba murima niga fiya nsaka na Harmagedón?

• 

  Mapadduwo gani ali mBibiliani anawukamihedhe okuluvela wi Yehova onele onivuna?—2Map 20:1-24