Olaba Ninga Pionero Onomuttittimiha Yehova

Ana Izrayel anfwanyela-wene omuttittimiha Yehova. Sabwani Yehova wahafurula mu Ejipitu vina wahavuna mmadani mwa Faraó na anyakoddo aye! (Obud 15:1, 2) Masaka abano Yehova onowoniha wi onokwelavi nlogo naye. Ninonihe dhavi omutamalela wehu Yehova?—Masal 116:12.

Mukalelo mmodha bwa olaba ninga pionero wokamihedha obe wa mudhidhi wotene. Weyo ogamulobelela Yehova, iyene onele wuvaha guru na ewodhelo yolaba ninga pionero. (Fil 2:13) Enji anromaga olaba ninga pionero wokamihedha. Ninga motagiha enowodheya osakula akala onfuna olabe mawora ohakwana 30 obe 50 mweri wa marsu na abrili vina mweri onfuna weddeleliwa mulogo wawo. Txino oganonelamo wagalala ondana mabasa aba onere ofuna okala pionero wa mudhidhi wotene. Akalawo abali ena anlaba ninga apionero a mudhidhi wotene, masiki bana mabasa anajela mudhidhi mwinjene obe masiki mmaningoni mwawa muhili deretu. (mwb16.07 8) Yehova txibarene onofwanyelela guru dhotene dhinkosihu wila nimuttittimihe!—1Map 16:25.

KOONA VIDIYU AROGORA ARARU A ELABO YA MONGOLIA, OGAMALA WAKULE MAVUZO ABA:

• 

  Matxinjo gani akosile arogora aba wi awodhe olaba ninga a pionera?

• 

  Maruriho gani akelilani?

• 

  Mmalelani okala a pionera, gari gani dhina dhanani mmabasani a mudhidhi wotene?

• 

  Yotagiha yawa, yakamihedhi dhavi attu ena?