YEDDELO YA AKRISTU
Azombwe—Kamukoseni Yehova Ninga Marhoya-Marhoya Wenyu
Mikalelo gani dhinimonana weyo marho wawo? Txino onomonana mikalelo ninga esi; oweddeyana, okurumuwa vina otapuwa mada. Yehova okana mikalelo esi dhetene. (Obud 34:6; Mer 14:17) Yehova onovuruwana malobelo ehu. Iyene ononikamihedha nigajombeliwa elobo-txilobo. (Masal 18:19, 35) Iyeneonolevelela dhoddawa dhehu. (1Jo 1:9) Txibarene Yehova Marho waderetu vaddiddi!
Weyo onawodhe dhavi okala marho wa Yehova? Modhela omwengesa vina omusunza Bibilia. Omukuluvela iyene. (Masal 62:8; 142:2) Wonihe wi onottittimiha Omwene waye vina mapikirelo a musogorho. Waziwihe attu ena mwaha wa Yehova. (Olib 32:3) Ogonuwiha manddano awo na Yehova, iyene onele okala Marho wawo okala-nokala-wene.—Masal 73:25, 26, 28.
KOONA VIDIYU AZOMBWE—“KAMUKOSENI YEHOVA NINGA MARHOYA-MARHOYA WENYU” OGAMALA WAKULE MAVUZO ANFWARELA:
Onawodhe dhavi ovisasanyedha wila ovipereke vina obatiziwe?
Abali ena mmulogoni anawodhe dhavi oukamihedha wila omulabele Yehova?
Mabasa olaleya anawukamihedhe dhavi okana mandano oliba na Yehova?
Onodha okala marho wa Yehova okala-n’kala-wene!
Gari gani dhiniwe mmabasani a Yehova?
Txini enutikiniha mwaha wa okwela?