Nigakamihedha Osaddeya Onda wa Yehova Ninowoniha Okwela

Oburutxiwa wa muttu mmulogoni onobarela mulogoya vina onomoniha muttuya osaddeyiwe wi ohittiya dila ya Yehova. (1Kor 5:6, 11) Iyo nigakamihedha osaddeyiwa onda wa Yehova, ninowoniha okwela. Enowodheya-wene okamihedha osaddeyiwa oku masiki akala onowatotela okubanya attu enjene na muttegiya?

Nigakosa dhawene ninele woniha omukwela wehu Yehova vina ottittimiha okoddela waye. (1Ped 1:14-16) Enowoniha vina omukwela wehu muttuya oburutxiwe mulogoni. Osaddeyiwa onokubanyiha, mbwenye masiki dhawene osaddeyiwa oku onodha omuttukulela muttuya okana ‘murenddele na oligana murima.’ (Aheb 12:5, 6, 11) Iyo nigeddagavi na muttu oburutxiwe mmulogoni obe ottiyile okala munamona yeka, ninowoniha ohiwelela osaddeya wa Yehova. Kudduwale wila Yehova onosaddeya nlogo naye ‘wila ninarimele.’ (Jer 30:11) Nigewelela osaddeyiwa onda wa Yehova vina nigakosagavi mabasa ehu omuyani, ninowoniha wila ninjedhela muttuya osaddeyiwe amwiyelele Babihu wanttebwa.—Iza 1:16-18; 55:7.

KOONA VIDIYU KAKALA WOWEDDEYANA NA MURIMA WAWO WOTENE, OGAMALA WAKULE MAVUZO ANFWARELA:

• 

  Txini empadduwa na amambali ali Akristu mwaniwa agamuttiya Yehova?

• 

  Abali a mmulogoni anawodhe dhavi wakamihedha abali ena ankubanya sabwa ya mmudhawa oburutxiwa mmulogoni?

• 

  Yotagiha gani eli mBibiliani ennikamihedha ononelamo ofuneya wa okala oweddeyana na Yehova opitta na anamudhi ehu?

• 

  Ninawodhe dhavi okalavi oweddeyana na Yehova opitta okala oweddeyana na anamudhi ehu?