Amambali, Eziwelo Enowabarela Aninyu

Iyo ninkala elabo ensunzihiwa wi eli yaderetu jabure, yabure jaderetu. (Iza 5:20) Yokubanyihaya jawi attu ena ankosa dhilobo dhihinimuzivela Yehova, ninga ogonihana wa attu ana viyano modhene. Masaka mena amarho oskola vina attu ena anowakokomedha azombwe ali Akristu okosa esile dhinkosani dhili dhabure. Onawodhe dhavi wakamihedha anawo wi avibarele agafwanyiwa dhoweha?

Wakamihedhe anawo oziwa magano a Yehova. (Onam 18:3) Wasunzihe anawo bali ayimene txini enloga Bibilia mwaha wa ogonihana. (Olib 6:7) ‘Kavivuze: Ddihimala wasunziha anaga txini enfwanyelani okosa akala muttu onowattidda bure obe onowagayela, ddihimala wasunziha vina guwo dhinfwanyelani wabala, ddihimala waziwiha wi kakalewo muttu onfwanyela okala na awene wego onfwanyelani okala oka? Anaga anoziwa txini enfwanyelani okosa akala muttu onowalagiha mavidiyu ogonihana wonyakuwa obe okosa eli ya bure?’ Ogasunziha anawo bali ayimene anele owodha ovibarela agagumana na makattamiho. (Gano 27:12; Koh 7:12) Ogasunziha anawo onolagiha wila onovaha ttima nvaho wa Yehova.—Masal 127:3.

KOONA VIDIYU OLIBIHE NTAKULU NAWO—WABARELE ANAWO MWA “DHOTAKALA,” OGAMALA WAKULE MAVUZO ANFWARELA:

• 

  Sabwaya jani amambali ena kanwodha ologa na anawa mwaha wa ogoniyana?

• 

  Ekaleleni yamaka-maka amambali ‘walela anawa na malago animuzivela Yehova’?—Ef 6:4

• 

  Dhipano gani dhanikuru na Yehova dhinfwanyela olabihedha amambali wila asunzihena anawa?—w19.05 12, kasha

• Ekaleleni yamaka-maka ologa makani na anawo na mutanene, ahinatti ogumana na makattamiho?