Ttaro gani dhikosiliwe wila obatiziwe?
YEDDELO YA AKRISTU
Kasakula Omulabela Yehova
Akala weyo wamuzombwe onona matugumano obe wanamasunza wa Bibilia, ohimala ogana obatiziwa? Ekaleleni yamakamaka ogana obatiziwa? Sabwani eji enonikamihedha okana mandano ofiyedheya na Yehova. (Masal 91:1) Ottiya ejo obatiziwa onomuttukulela muttu ovuniwa. (1Ped 3:21) Txini enfwanyeliwe okosa wila ofiyedhe obatiziwa?
Wamwinyene onofwanyela oziwa wi ohifwanya ebaribari. Oga aganyedhaga elobo, kapepesa wila ononelemo makaniya. (Rom 12:2) Kazinddiyela matxinjo anfwanyeliwe okosa, vina ovilibihedhe okosa matxinjoya wila omwagalalihe Yehova. (Gano 27:11; Ef 4:23, 24) Omulobelelege Yehova wi aukamihedhe. Kudduwale wi Yehova onele olabihedha muya waye wokoddela wi aulibihe vina auvahe guru enfuniwe. (1Ped 5:10, 11) Guru yotene enakosiwe, jotamaleleya sabwani kahiyo elobo empitta omulabela Yehova!—Masal 16:11.
KOONA VIDIYU ATTU ENA AWODHILE DHAVI OFIYEDHA OBATIZIWA, OGAMALA WAKULE MAVUZO ANFWARELA:
Dhorutxa gani dhikwaranyile abali wila awodhe obatiziwa?
Txini enfwanyeliwe okosa wila okane nroromelo ninauttukulele ovivelela wa Yehova?
Txini yattukulele abali ena ovilibihedha mpaka obatiziwa?
Mareliho gani anakelihu nigasakula omulabela Yehova?
Txini entapulela ovivelela na obatiziwa?