OVILIBIHEDHE MMABASANI A OLALEYA | KATTABA NA MABASA A WAKOSA ANAMAFWARA
Oladdaniha Mazu a Ttimaya-ttimaya
Nigamwiyelela mwanamurala obe nigeeddihaga Nsunzo na Bibilia, ninofwanyela omukamihedha namasunza obe mwanamuralaya ononelamo mazu attimaya-ttimaya. Sabwa ya omukamihedha ononelamo mazu attimaya-ttimaya, eji enele oddiginya murima waye vina enele omukamihedha wubuwela dhisunziliye.
Ogavisasanyedhelaga wila omwiyelele mwanamurala obe namasunza wa Bibilia, otamele omunonihedhamo mitoma dhamaka makadha, ottiya otapulelamo makani otene anfuniwe olabihedha mmusiboni. Omamalelo ologe musibo oniwanana na mapadduwo a labo-labo. (Mt 5:14-16; Mk 2:21; Lk 14:7-11) Ovilibihedhe olabihedha misibo dhininpatta vina dhiniwanana na mabasa aye. (Lk 5:2-11; Jo 4:7-15) Ogawona emweru-mweru okoveni waye sabwa ya omunonihedhamo makani attimaya-ttimaya, weyo onele ottaba.
KOONA VIDIYU KATTABA NA MABASA A WAKOSA ANAMAFWARA—WUNUWIHE EWODHELO YAWO—OLADDANIHA MAZU A TTIMAYA-TTIMAYA, OGAMALA WAKULE MAVUZO ANFWARELA:
Anamasunza anfunelani nikamihedho wila anonelemo maversu a mBibilia?
Neta olabihedhi dhavi musibo wila anonihedhemo nlebo na Roma 5:12?
Misibo dhohirutxa dhinoddiginya murima
Musibo wohirutxa onakamihedha dhavi anamewa ehu?
Ninfwanyelela eni olabihedha mavidiyu na dhipano dhina dhosunzihana, nigakala mmabasani a olaleya?