Ohimala Ovisasanyedha Wila Owodhe Oliba Murima Nsaka na Owana-wana wa Attu?

Veneva vanaddamela ogoma wa elabo ejino ninojedhela wi owanawana wa attu, otimbwini na koddo dhigatabwavi. (Ovuh 6:4) Ninawodhe dhavi ovisasanyedhela dhorutxa dha musogorho?

• Ovisasanyedhe epaddi yomuyani: Kazinddiyela magano a Bibilia vina mapadduwo a mBibiliani analibihe omukuluvela wawo Yehova na nikuru naye vina dhinawukamihedhe okalavi wororomeleya. (Gano 12:5; jr 125-126 ddima 23-24) Obu mudhidhi wa omaga mandano oliba mmulogoni.—1Ped 4:7, 8

• Ovisasanyedhe mpaddi womaningoni: Okane vego vottawela mmuruddani mwawo vina okoye dhoja dhihinvudda. Ottiya ejo, okale womalanawale. Wang’ane dhili mbudduni mwawo vina osasanyedhe dhipano dha ovibarelana vina muhaku. Kaziwa mukalelo wa ologa na anddimuwa a mulogo vina okaane ebaribari yawi awene ahikana mukalelo wa owodha ologa na weyo.—Iza 32:2; g17.5 3-7

Mudhidhi wa owana-wana okale wolibene mpaddi womuyani. (Fil 1:10) Kumwalelege mimburo dhottiyana-ttiyana ohirumiwe. (Mt 10:16) Wavahemo ena dhoja na dhina dhottiyana-ttiyana.—Rom 12:13.

KOONA VIDIYU OHIVISASANYEDHELA DHIFOYO? OGAMALA WAKULE MAVUZO ANFWARELA:

• Yehova onanikamihedhe dhavi ogapadduwa dhifoyo?

• Ttarho gani dhinfwanyelihu okosa wi nivisasanyedhe?

• Ninawodhe dhavi wakamihedha attu ena agafwanyiwa dhifoyo?