Mabasa Origanela a Vawoka a mweri wa Setemburu, Orome Nsunzo na Bibilia

Mweri wa Setemburu enokala yapama okosaguru ya walaleya anamwanddamani mpaka wita nsunzo na Bibilia, olabihedhaga brochura Kajavo Egumi Yamukalakala! Anamalaleya enjene anokosa guru ya olaba ninga apionero a okamihedha akosaga mawora 30. Ninawodhe dhavi olaba mabasa aba origanela?

• Labo Noroma: Olabihedhe kapa ya brochura wi oddiginye mirima dha attu, egawodheya orome nsunzo na Bibilia. Kuwadduwale abale alagihile efunelo ovanenevi na abale a wale. Akala awene wale ankodda osunza txino anodhaga orumela osunza na brochura ntti niswa. Brochura ntti kanimuttiyedhe mwanamurala ohilagihile efunelo vina kaninvavihedhe muttu ohilagihile efunelo. Mpara wa Mabasa a Mulogo onofwanyela okosa masasanyedho a obudduwaga mmabasani a olaleya mwari mwa mweri obu.

• Gari yina: Akala mulogo wawo onolabihedha kartagem, vakartageniva, yikiwevo kapa ya brochura Kajavo Egumi Yamukalakala! Mwa abale anfuna wakela brochurana walagihe wi enowodheya okana nsunzo na Bibilia nihinpitxeliwa elo. Omutapulelemo momaguva mukalelo onkosiwa nsunzona obe muttiyedhe mudhidhi mwina. Musogoreli wa mabasa onele wasakula anamaleleya a ttotto wi alaleye mmamusika vina etemo masunzo a Bibilia. Enowodheya wita masunzo a Bibilia na akwawo a omabasani obe abale anafwanyiwe olaleyaga vattaddo.

Yezu ohiniruma wi ‘nakose anamafwara’ vina ‘nasunzihe.’ (Mt 28:19, 20) Mabasa aba origanela anele onikamihedha wakwanihedha mabasa anivahile Yezu, nilabihedhaga nivuru Kajavo Egumi Yamukalakala!