Kafwanya Eziwelo Yolabihedha Siku na Siku mu JW.ORG

Nzu na Mulugu ninonivaha malago awakwana annikamihedha owanana makattamiho, masiku aba omariha. (2Tim 3:1, 16, 17) Masaka mena ninovedaga nikamihedho na malago a mBibiliani, ananikamihedhe nigafwanyiwa makattamiho. Motagiha, weyo wamambali ontamela malago owalelana ahima? Wamuzombwe onwanana makattamiho aneha nroromelo nawo? Wamamukwela onkubanya sabwa ya okwa wa mamuno obe mwadhiyo? Onele ofwanya malago anokamihedhe mu jw.org, abuwene aniwanana na makattamiho anwaniwena ovanene. Onele ofwanya mu jw.org malago a mBibiliani, anokamihedhe owanana makattamiho angumaniwena ovanene na makattamiho mena.—Gano 2:3-6.

Kadhowa pagina yoroma ya jw.org ogamala oselecionari ENSINOS BÍBLICOS ogamala odhowe mutxiddo wasakule mutoma onfuniwe. (ninga munlagiha foto 1.) Obe odhowe mu JW Library^®.a Waselesionari BIBLIOTECA > SÉRIES DE ARTIGOS (ninga munlagiha foto 2.) Enowodheya ofwanya mutoma onvediwe mu jw.org. Onele opurelamo venjene ogapepesa mitoma esi. Elobo yina enaukamihedhe ofwanya mutoma onvediwe ja opepesa mu jw.org.

Opepese valebiwe pesquisar ogamala wengese mutoma onfuniwe, vasogorhova odhowe mutxiddo oddiginye mutoma onfuniwe wengesa.

• Criar filhos

• Depressão dos jovens

• A morte de um companheiro