MAFUMO A MAZU A MULUGU

Omusakule na Malago Muttu Onfuniwe Omutela obe Oteliwana

Na otowa malago Salomau wahatela ayana awebedha amilugu osemiwa (1Amwe 11:1, 2; w18.07 18 ddima 7)

Ayana atelile Salomau vang’ono-vang’ono ahipupurutxa murima waye bakala wolapelana Yehova (1Amwe 11:3-6; w19.01 15 ddima 6)

Yehova wahisilidhiwa na Salomau (1Amwe 11:9, 10; w18.07 19 ddima 9)

Foto: Murogora wa muziye akosaga nsunzo nomwinya vina amutanalelaga mabali wa muziye. 1. Mbali avayaga yowakula yaye mmatugumanoni. 2. Mbali wakakene bali mmabasani a olaleya a vattaddo. 3. Mbali wakakene akamihedhaga ovenyihedha Numba ya Omwene.

Nzu na Mulugu ninowakokomeza Akristu ali aziye wi atele obe ateliwe na muttu oninfunani mbwenye ‘oddoya akale Mukristu.’ (1Kor 7:39) Muttu agabatiziwa, kinlagiha wi onele okala muyana obe mulobwana waderetu. Muttuya oddo, onele odhowavi awukamihedhaga omulabela Yehova na murima wawo wotene? Iyene onolagiha wi onomukwela Yehova mudhidhi wotene? Ohinatti orumela oteliwa obe omutela muttuya, enokala ya malago ottukula mudhidhi wi omuziwe pama.