Matelo—Wiwanana wa Attu Eli wi Akale Vamodha Egumi Yawa Yotene

Matelo a Mukristu aneedda pama, anomuttittimiha Yehova vina anowadhelana wagalala atelaniya. (Mer 10:9) Ogafunaga omusakula muttu w’omutela obe woteliwana, ofware magano a mBibiliani, dhawene panawodhe weyo okana matelo ogonela vina owagalala.

Jamalago omutamela muttu w’omutela obe w’oteliwana ogamala ‘wunuwa,’ bumalile okwaranya efunelo enddimuwa ya ogonihana, ejuwene egadhile wurutxiha okosa dhogana na malago. (1Kor 7:36) Oku buli muziye enokala ya malago olabihedha mudhidhi obo wi olibihe mandano awo na Mulugu vina wunuwihe mikalelo dha Okristu. Dhawene, panawodhe weyo okana matelo apama.

Ohinatti orumela otela obe oteliwa na muttu, enokala ya malago ottukula mudhidhi wi ‘oziwe eli muttuya.’ (1Ped 3:4) Vageteya dhowaganyedha oku mweddelelagana mulogele makaniya mumodhani. Va mateloni vawo ozuzumelege ejile enfwanyeliwe ovaha, ottiya enjedheliwe ovahiwa. (Fil 2:3, 4) Ogafwara malago a mBibiliani ohinatti otela obe oteliwa, onele okana matelo apama anadhena wagalala mwigumini mwawo.

KOONA VIDIYU ONUBUWELA OTELA OBE OTELIWA: ‘APIME DHINIYE’ EPADDI—3 OGAMALA WAKULE MAVUZO ANFWARELA:

• Murogora na mbali Shane vamaromo weddelelana wawa wali dhavi?

• Txini ezinddiyele murogora venevo vadhowani eddelelagana?

• Amambali aye amukamihedhile dhavi, nanda yosakula gani ya malago ekosiliye?