Weyo Onopurelamo Pama Audiyu wa Bibilia?

Audiyu wa Bibilia txini? Audiyu wa Bibilia ogravariwa wa Tradução do Novo Mundo revisada. Audiyu wa Bibilia dhinodhowavi dhigravariwaga na dhilogelo dhinjidhene. Elobo modha elitxi yamakamaka ya audiyu ya Bibilia jawi enolabihedhiwa lizu dhottiyana-ttiyana wi egravariwe epaddi ya namaloga mmodha-mmodha. Mazuya anowegesiwa na lizu n’ottiyana vina n’ogalamuwa wi muselu wa mBibiliani evuwihiwe dhawene ninga mulebiwani.

Attu ena ampurelamo dhani ovuruwana audiyu y’ogravariwa? Ovuruwana audiyu wa Bibilia owakamihedha attu enjene okuluvela Nzu na Mulugu. Awene ahinonelamo wi ovuruwana nzu nimodha-nimokodha dha attu agravarile dhipaddi dha muttu-muttu mBibiliani enowattukulela otanalela pama mapadduwo a Bibilia vina anowodha ononelamo mowakwana-mwene esile dhilebiwe. (Gano 4:5) Enjene ahizinddiyela wi ovuruwana audiyu ya Bibilia enowapangarhaza agadhugudheya.—Masal 94:19.

Ovuruwana Nzu na Mulugu nengesiwe na lizu nowiweya ehikana ewodhelo enddimuwa ya opatta egumi yehu. (2Map 34:19-21) Akala audiyu wa Bibilia ohikalawo wetene obe epaddi modha na elogelo ennonelamo weyo, onkoddela nni ovuruwana mudhidhi na mudhidhi?

KOONA VIDIYU OGRAVARIWA WA AUDIYU WA BIBILIA, OGAMALA WAKULE NIVUZO NTTI:

Txini enutikiniha na osasanyiwa wa audiyu wa Bibilia?