Dhetedhene Esi Dhipadduweli Sabwa ya Emwerumweru!

ANAMWALI eli adhowaga omusika wo Baguio Sidade yo Filipinas. Venewo awene wona karinya ya olaleyana vattaddo, mbwenye kaddamelewo. Helen murogora wemelile waddamana na karinyaya wahawang’ana na emwerumweru. Awene ahidhowanavi oleddo wawa ahidduwalaga emwerumweru y’omarho ya Helen.

Bali mmukukuttani eyelelaga vatakulu, anayana abale ahona ezinddiyelo eji jw.org, bipameliwe Vanumbani ya Omwene. Awene ahubuwela wila maletra abale bakakene onilani vakarinyani. Awene ahitita mmukukuttani mwalani, badhowa Vanumbani Yomwene venevo boona programa ya matugumano.

Sumana yakakene, ahidhowa wona matugumanoya. Muvolowelani Munumbani ya Omwene ahitikina sabwa ya omona Helen. Venevo ahubuwele sabwa ya emwerumweru enddimuwa yalagihiliye. Helen ohiloga, “Mwawonelime addisuselaga, ddahidhugudheya, ddahubuwela, ddikosile elobo yabure.” Mbwenye awene ahimwaddela Helen mwaha wa dhotene dhapadduwile.

Anamwali abale ahipurelamo venjene matugumanoya vina ahittugareya ninga ali vatakulu vawa. Mmaleli matugumanoya mwawonilani abali akuputtaga Numba ya Omwene, ahifuna vina okamihedha. Mwa anamwali abale eli, mmodha ohimwalela elabo yina, mwina oroma odhowa omatugumanoni vina onomusunza Biblia — dhetedhene esi dhipadduweli sabwa ya emwerumweru!