Onowubuwela?

Weyo ohengesa mitoma dhotene dha Mwang’aneli wa yaka ejino? Akala pumwenemo, karoma wona akala onowodha wakula mavuzo aba:

Onapurelemo dhavi sabwa ya otamela mudhidhi wa ologa na Yehova, onvuruwana vina otanalela mwaha wa Iyene?

Onele okosa dhosakula dhapama, weyo onele okala namasunziha wa ttotto, nroromelo nawo ninele oliba vina omukwela wawo Yehova onele wunuwa.—w22.01, makuku 30-31.

Ninakamihedheye dhavi nigasunza omukuluvela Yehova vina abale attomiliye wila anisogorhele?

Obu bu mudhidhi wa iyo osunza ororomela mukalelo wa Yehova okosa dhilobo ottiya opapaselaga mweddihedho obe dhogana dha anddimuwa a mmulogoni. Goi enddimuwa egaroma kinanirutxe orumela magano otene anona iyo ninga borutxa ononelamo obe ofwara.—w22.02, makuku 4-6.

Txini yafuna ologa anju valogiliye wi enowodheya Ayuda “othaba onaga nlugu nathima mmadani mwa Zorobabel [Governadori Wojuda]” (Zak. 4:8-10)

Wonihiwa oku wahavaha ebaribari nlogo na Mulugu wi mparha obule ogahipulihiwa vina ogahikala ninga mwafunela Yehova.—w22.03, makuku 16-17.

Onawodhe dhavi okala “tagiha . . . na mulogelo wawo”? (1 Tim. 4:12)

Modhela ologa na opama vina nriho mmabasani a olaleya, wiba na ottaba vina ovilibihedha ovaha dhowakula mmatugumanoni na orabela ologa mazu ovadda ottiya ejo ologege na mukalelo onalibiha attu ena.—w22.04, makuku 6-9.

Sabwaya jani ekalelo ya dhinama dhowopiha (amwene) dhowakwana nayi dhinlogiwa va Daniyel 7 dhinowiwanana na enama modha yawopiha enlogiwa va Ovuhulela 13:1, 2?

Enama yawopiha enlogiwa va Ovuhulela 13 kintonya omwene mmodha bahi, ninga Roma. Enatonya alamuleli otene analamulela attu.—w22.05, nikuku 9.

Txini enfwanyela iyo okosa wi nitonyihedhe wila ninororomela ottonga woligana wa Yehova?

Nigaruwaniwa, nigalogeliwa elobo ensuva obe nigattegeliwa kaninfwanyela osilidhiwa vina okana yammirimani. Nittiye makani otene mmadani mwa Yehova. Iyene onele ofudha makattamiho otene atoteyile na ottega.—w22.06, makuku 10-11.

Mbali agakumbirhiwa wi akose nlobelo mmatugumanoni, txini enfwanyeliye okana muyubuweloni?

Nlobelona kaninfwanyela okala ninga nlago obe yovuwiha. Kili yofuneya ologa “mazu menjene” makamaka matugumano agaromaga. (Mt. 6:7)—w22.07, makuku 24-25.

Na mukalelo gani “abale erile dhabure” anele ‘ovenyela ottongiwa’? (Jo. 5:29)

Awene kanattongiwe na mukalelo wohifwanyelela mowiwanana na dhikosilani ahinakwa. Awene anele ottongiwa mowiwanana na esile dhinakosani agamala ovenyihiwa mukwani.—w22.09, nikuku 18.

Nikokomezo gani nowagalaliha nivahile mbali J. F. Rutherford va mutugumano wa ttattamwa wa mweri wa Setemburu yaka ya 1922?

Va mutugumano wa ttattamwa o Cedar Point, Ohio, Estados Unidos iyene ohiloga: “Koonani Mwene onolamulela! Ottomeliwe ovuwiha ddi nyuwo. Nona kavuwihani, kavuwihani, munvuwihe Mwene na Omwene waye!”—w22.10, makuku 3-5.

Dhilobo gani ttaru dhinfwanya iyo va Izaiya 30 dhinoniha mukalelo onnikamihedha Yehova ovilela?

Maversuya anowoniha wi iyene (1) ononivuruwana nofwasa vina onowakula malobelo ehu (2) ononivaha malago wi aneddihe vina (3) ononivaha maruriho ovanene vina onele onivaha musogorho.—w22.11, nikuku 9.

Ninlogelani wi mazu anfwanyeya va Masalmo 37:10, 11, 29 ahakwanihedha mundduni vina anele wakwanihedheya kakamwe musogorho?

Mazu a Davidi anowoniha mukalelo egakalile egumi nsaka na mwene Salomau, mudhidhi walamulela Salomau ana Izrayel, nlogo nankana murenddele vina ofuma. Yezu waloga sabwa ya paraizu onakale velaboni ya vati musogorho valogiliye mazu anfwanyeya versu 11. (Mt. 5:5; Lk. 23:43)—w22.12, makuku 8-10, 14.