Nikamihedho Ogasunzaga

Ogane Enfwanyela Weyo Osunza Vamaromo

Iyo notene kaninetxa mudhidhi mwinjene wa okosa nsunzo nomwinya. Ninawodhe dhavi olabihedha deretu mudhidhi? Voroma, wengese mwari mwa mudhidhi wofwanyelela. Onele opurelamo venjene modhela osunza makani mang’onovi ottiya osunza makani menjene mowaguva.

Ogamala, wone enfwanyelela okala vamburoni voroma. (Ef. 5:15, 16) Katanalela marhe anfwarela:

• Omwengesege Bibilia malabo otene. (Masal. 1:2) Wengesa wa Bibilia onfwanyeya mmatugumanoni a vari va sumana mukalelo wapama wa oroma omwengesa Bibilia.

• Omusasanyedhe Mwang’aneli Wosunzana vina matugumano a vari va sumana. Ovahe dhowakula dhawo.—Masal. 22:22.

• Ogona wi okanavi mudhidhi, katamela wona mavidiyu obe wengesa makani mena omuyani, ninga marevista, na dhina dhili mu jw.org.

• Osunze makani anuzivela. Enowodheya otamela dhawakula dha mavuzo ana weyo, makattamiho anupatta, obe makani a mBibiliani agafunile weyo ononelamo pama. Wi ononelemo pama, kadhowa mu jw.org wone secção “Exercícios Bíblicos”.