Ogasunzaga Ovilibihedhe Ofwanya Dhilobo Dhiswa

Nigavisasanyedhaga wi nisunze, txino ninovivuzaga, ‘Elobo gani enjedhelimi osunza?’ Mbwenyi kaninfwanyela ottiya wi dhinjedhelihu dhinittukulele ohona esile dhinnisunziha Yehova. Ninawodhe dhavi ovuruwana enfuna onisunziha Yehova?

Olobele okumbirhaga eziwelo. Omukumbirhe Yehova wi awukamihedhe ononelamo enfuniye wi osunze ovanene. (Tia. 1:5) Ovilibihedhe osunza dhilobo dhina ottiya ottiddelavi esile dhaziwa weyo wale.—Gano 3:​5, 6.

Kupwaze ewodhelo ena Bibilia ya opatta egumi yawo. “Nzu na Mulugu tholaba.” (Aheb. 4:12) Nona dila dhotene dhinimwengesiwe Bibilia, iyene onele wusunziha elobo eswa vina wukamihedha na mikalelo dhottiyana-ttiyana—mbwenyi ejo enawodheye ogakala womala-nawale wi osunze dhinuwaddela Yehova.

Kavaha ttima dhetene dhinusunziha Yehova. Oja womuyani onnivaha Yehova oli ninga “nama dhonuna, dhoziva.” (Iza. 25:6) Nona kurabele oja esile dhinubuweliwe wi kunaziveliwe. Kattiya wi Yehova awukamihedhe okala muttu wapama ogakosa dhawene onele oziveliwa venjene osunza esile dhinusunziha iyene!