• Egumi Eromile Dhavi?
    Kajavo Egumi Yamukalakala!—Kursu ya masunzo a Bibilia

    • 3. Dhilobo gani dhinattiyaniha attu na dhinama?

      Mubele Yehova elabo, iyene ohittandda dhokalawo dhina ninga miri na dhinama. Mmalelani, ‘Mulugu ompaddutxa muttu woladdana na iyene, oli ninga iyene.’ (Kengesa Wita 1:27.) Txini enakosiha attu okala ottiyana na dhinama? J’okala oladdana na Mulugu, vina owodha otagiha mikalelo dhaye ninga okwela na oligana. Iyene vina ohinittandda na ewodhelo ya osunza dhilogelo dhina, wira dhottiyana-ttiyana vina oziveliwana jibo. Mottiyana na dhinama, iyo ninowodha omwebedha Mpaddutxi wehu.

  • Egumi Eromile Dhavi?
    Kajavo Egumi Yamukalakala!—Kursu ya masunzo a Bibilia

    • 5. Dhologa dha Bibilia mwaha wa witeya wa elabo s’ebaribari

      Mbibiliani nivuru na Wita kapitulu 1, ninologa mukalelo ottanddiwe elabo na dhotedhene dhilimo. Weyo onorumela dhologa esi, obe onona ninga gahala? Karumiha VIDIYU, mugamala mutanaalele mavuzo aba:

      VIDIYU: Koddi Elabo Elopaddutxiwa?—Yogwaddela (3:51)

      Dhawireya dha vidiyu ena mutoma ‘Elabo Epadduwile Dhavi?—Yogwaddela.’ Elabo mmalelani ottanddiwa mwari mwa malabo matanu na nimodha, ehikana nzuwa, mattaka, manje, maani, balame, dhinama na attu.

      • Bibilia onosunziha wi elabo vamodha na dhotedhene dhilimo dhipaddutxiwe mwari mwa malabo matanu na nimodha a wora 24?

      • Weyo onona wi esile dhinloga Bibilia s’ebaribari vina s’okuluveleya? Akala onorumela, onrumelela nni? akala kunrumela, onkoddela nni?

      Kengesa Wita 1:1, mugamala mutanaalele nivuzo ntti:

      • Aziwitxi anorumeela wi elabo el’ottanddiwa. Kito dhologa dhawa dhinoligana na esi dhimaliliwe wona mBibiliani?

      Attu enjene anubuwela wi Mulugu ol’okosiha wi dhotedhene dha mwilaboni dhipadduwe woka. Kengesa Wita 1:21, 25, 27, mugamala mutanaalele mavuzo aba:

      • Koddi Bibilia onsunziha wi Mulugu opaddutxile yokalawo modha, bikala nipara na witeya wa oba, dhinama na attu? Obe iyene ottanddile dhokalawo dhotene na “malogo” awa-awa?b