NSUNZO 25
Efunelo ya Mulugu na Nlogo na Attu Jivi?
Bibilia onologa wi egumi ya attu ‘kingonela vina makattamiho kanamalela.’ (Job 14:1) Koddi Mulugu wanifunana wi nikalegewo dhahene? Efunelo ya Mulugu aattanddaga attu yali evi? Na sikuna, efuneloya eji enele wakwanihedheya? Weyo onele oziveliwa oziwa yowakula ya Bibilia.
1. Yehova onfuna wi nikalege dhavi?
Yehova onfuna wi nikane egumi yaderetu. Muttanddiliye elabo ohattiyamo alobwana oroma Adamu na Eva, mparaizu mmunddani mwa Edeni. Vasogorhova, ‘Mulugu oharhuriha vina ohawaddela dhahi: ‘Kalanina guru dh’obalana, enjivihanani, dhalaní mwilabo, muttongemo.’’ (Wita 1:28) Yehova wafuna wi awene akaane aima, akosihe elabo okala paraizu vina ang’anelege dhinama. Efunelo yaye yali yawi attu otene akalegewo na egumi yaderetu vina na mukalakala.
Ebaribari wi dhilobodha kadhipadduwile ninga mwafunelaa Mulugu, mbwenye efunelo yaye kitxinjile. (Izaiya 46:10, 11) Mulugu onfuna wi attu animwiwelela akalegewo na mukalakala.—Kengesa Ovuhulela 21:3, 4.
2. Ninawodhe dhavi okana egumi yowagalala masaka abano?
Yehova onittanddile na ‘efunelo ya otamela mazu aye,’ obe ya omuziwa vina omwebedha. (Kengesa Mateu 5:3-6.) Iyene onfuna wi iyo nikane mandano oliba na iyene, ‘neddege mudila mwaye, nimukwelege,’ vina nimulabelege ‘na murima wotene.’ (Olibiha 10:12; Masal 25:14) Nigakosa ejuwene, ninele owodha okana wagalala webaribari masiki nigumanagana dhorutxa. Omwebedha Yehova ononivaha egumi yottugareya.
KASUNZAVI
Kasunza sabwa ya okwela wonihile Yehova mudhidhi osasanyeliye elabo vina katamela oziwa ensunziha Bibilia mwaha wa okalawo wehu.
3. Efunelo ya Yehova ja attu okana egumi yottugareya
Karumiha VIDIYU, mugamala mutanaalele nivuzo ntti.
Mulugu opaddutxele eni elabo yokoddela dhahene?
Kengesa Kohelét 3:11, mugamala mutanaalele mavuzo aba:
Yehova wikile efunelo gani mmirimani mwehu? Eji entonyihedha wi iyene onnifunana eni?
4. Efunelo ya Yehova na nlogo na attu kitxinjile
Kengesa Masalmo 37:11, 29 na Izaiya 55:11, mugamala mutanaalele nivuzo ntti.
Ninziwa dhavi wi efunelo ya Yehova na nlogo na attu kitxinjile?
Enowodheya ovenyihedha nyumba epwaziwe. Na mukalelo wakakene attu anopwaza elabo. Mbwenye Yehova onele ovenyihedha wi aavahe abale animukwela
5. Omwebedha Yehova onodhana egumi yopureleyamo
Oziwa sabwaya ettanddeliwehu enonivaha wagalala. Karumiha VIDIYU, mugamala mutanaalele nivuzo ntti.
Okalawo wa Terumi odhile otxinja dhavi musunzeliye ejile ettanddeliwe egumi?
Kengesa Kohelét 12:13, mugamala mutanaalele nivuzo ntti:
Vowi Yehova onikosela dhilobo dhinji, elobo gani enawodhe iyo omukosela?
MUTTU AGAWUVUZA: “Mulugu ottanddele eni egumi?”
Weyo ogakulile dhavi?
OGWADDELA
Yehova onfuna wi iyo nikane egumi yowakwana vina nikalegewo na mukalakala. Nigamwebedhaga Yehova na murima wehu wotene, ninele okana egumi yowagalala masiki nikalaga masaka—abano orutxa.
Kobuwela Dhisunziliwe
Yehova wafuna wi Adamu na Eva akalege dhavi?
Ninziwa dhavi wi efunelo ya Mulugu na nlogo na attu kitxinjile?
Onawodhe dhavi okana egumi yottugareya?
TAMELÁ ONONELAMO DERETU
Koona vizinddiyelo dhinoniha wi mundda wa Edeni wahikalawo-wene.
“O Jardim do Éden—Mito ou Fato?” (A Sentinela, 1.º de Janeiro de 2011)
Koona sabwaya ennittukulela ologa wi elabo enelege okalawovi na mukalakala.
“Será que a Terra Vai Ser Destruída?” (Mitoma dha mu jw.org)
Kasunza enloga Bibilia mwaha wa ejile ettanddeliwehu.
Jon wona ninga wahikana dhotene mwigumini mwaye, mbwenye koona mukalelo ozinddiyeliye yamujombela.
a Nsunzo ninfwarela ninotapulela epadduwile.