MAFUMO A MAZU A MULUGU | MATEU 20-21
“Onunlela Okala Musogorheli, Avikose Mudhari wa Akwaye”
Anamasunziha a magano vamodha na Afariziya ahittabwa ovittukulela, anfiyedha ogilati “mmamisika” wi oniwe
Anamasunziha a magano na Afarizi annabala vakoveni egwámbirha ya malamulo, guwo dhoburuleya; dhotene dherani elela atamaliwe. (Mt 23:5-7) Yezu kaana yeddelo eji. Vowi “Mwana-muthu kadhele wimeleliwa, odhele okala mwimeleli”. (Mt 20:28) Iyo nigamukoselaga Mulugu mabasa na nttokoso, ninimukosela wi noniwe vina nittittimihiwe na attu? Akala ninfuna wi nittittimihiwe na Yehova ninela otagiha dhirile Kristu, nivikosihaga adhari a akwihu. Eji enoligana na mazu awi, muhire mabasa enyu apama vattaddo, mwirelaga otamaliwa na attu—onfwanyela wona mabasa ehu apama akale Yehova bahi. (Mt 6:1-4) Muttu onimukosela Mulugu mabasa . . .
onowawakela akwaye okoddeliha vina ovenyihedha Numba ya Omwene
onokosa kukuttu wi akamihedhe anddimuwa a mmulogoni vina na attu ena
onoperheka mvaho wi akamihedhena mabasa a Omwene