“Iyo Kanniyelela Mundduni”

4:16-18

Karoma wawubuwela attu a mirala minli, ankala takulu modhene; nakulu numbaya kahiye yaderetu-ene. Attu a murala mmodha ankala awojeyene. Mbwenye ena, ankala ottangarhamene. Anttangarhamela nni? Awene anoziwa wi mwari mwa mudhidhi mung’onovi anela omwalela numba eswa, vina yokoddela vaddiddi.

Masiki eziweyaga wi ‘ofiyedha ddabuno dhopaddutxiwa dhotene dhinobulelaga,’ alabeli a Mulugu ahikana njedhelo ninattangarhamiha. (Rom 8:22) Iyo ninoziwa wi masoso annifwanya ovanene anela ogoma, masiki na abaleya annitabutxa oromana walene; nigaladdaniha na egumi yohimala enfuna onivaha Mulugu mwilaboni eswa, ninowona wi masosoya “kaiyo elo.” Ozuzumela maruriho a Omwene wa musogoro, ononivaha mureneddele mwinjene vina ononittukulela ohiyelela mundduni.