Dhowakula dha Mabasa na Yeddelo Yehu ya Okristu
6-12 YA MAYU
MAFUMO A MAZU A MULUGU | 2 KORINTO 4-6
“Iyo Kanniyelela Mundduni”
(2 Korinto 4:16) Nona kaninkukumuwa. Maningo ehu anlalavi siku-siku, murima wehu onddowa olibagavi.
w04 15/8 25 ddima 16-17
Wolemene Mbwenye Kanniyelela Mundduni
16 Osasanyedha egumi yehu y’omuyani enofuneya vaddiddi. Omarho wehu na Yehova Mulugu ogakala wowaralene, txipo kanneyelele mundduni vina kaninanyanyale omwebedha wehu Yehova, masiki wolemene. Yehova “onomulibiha okukumuwile; onomvaha guru wobanile.” (Izaiya 40:28, 29) Murumiwi Paulo wonile ebaribari ya mazu aba, ohileba: “Nona kaninkukumuwa Maningo ehu anlalavi siku-siku, murima wehu ondhowa olibagavi.”—2 Korinto 4:16.
17 Onani mazu aba awi “siku-siku”. Eji yologa enoniha wi iyo ninopurelamo mvaho wa Yehova siku na siku. Murogora dhahi olabile mabasa a omisionario mwari mwa vyaka 43, wahikana mudhidhi walemiliye vina wakumuwiliye. Mbwenye keyelele mundduni. Iyene ohiloga: “Miyo ddahikana elemelelo ya ovenya na membesene, wi ddimulobelele Yehova vina ddengese mazu aye, ddihinatti okosa mabasa-mabasavi. Elemelelo eji ehiddiwodhiha owadelelavi nroromelo naga ofiyedha ovanene”. Iyo ninofuniwana okuluvela guru dha Yehova, sisuwene dhinnivaha ewodhelo “siku-siku”; ninofwanyela omulobelela vina otanalela mapikirelo aye.
(2 Korinto 4:17) Masoso anona iyo ovanene, kaiyo elo; annitabutxavi, anonifwanyiha nthinthimiho nihinpimeya, nihimmala.
it-1 256
Ovilela
Enofuneya iyo ohidduwala dhawona dhehu esuwene dhinnikuluveliha nipikirelo n’Okristu; egumi yawakwana enajevo iyo okala n’okalawene. Masiki sepe-sepe nokwa, iyo txipo kaninanyanyale orumela dhopikireliwa dhehu. (Rom 5:4, 5; 1Tes 1:3; Ovuh 2:10) Nigang’ananiha masoso annifwanya ovanene na maruriho anavahiwe iyo musogorho, ninowona wi masosoya kahiye elo. (Rom 8:18-25) Nigang’ananiha makattamiho-makattamihovi masiki masaka mena akalaga ovinga, ninozinddiyela wi dhotedhene eso “dhinogoma”. (2Kor 4:16-18) Muttu onkala wokubanyene sabwa ya masoso aninfwanya adduwalaga nipikirelo n’Okristu onodha ofwewiha omuroromela waye Yehova Mulugu.
(2 Korinto 4:18) Nihañganetxe dhinoneya, nikuluvele dhihinoneya; vowi dhawoneya dhinogoma, dhihinoneya dhinodhowavi.
Nipepese Mafumo a Omuyani
(2 Korinto 4:7) Apo nifumo-nthi, iyo ninothukula mmaningoni mwehu, ali ninga yobo y’ologo, ehirutxa omunyeya. Dhahene etene one wi owodha oku onddimuwa kundha mwa iyo, ondha mwa Mulugu.
w12 1/2 28 ddima 28-29
“Muhagalaliheni Yehova”
David Splane wa Nikuru N’olamulela ddutapulelemo Nlebo ntti. (2 Korinto 4:7) Nifumonavo ttivi? Ononelamo obe oziwelamo? Naakulo na namatapulelaya ttintti, “nne”. “Nifumonamo ttinttile nilogile murumiwi Paulo na ‘olaleya ebaribari ahipipiriyaga.’ ” (2 Korinto 4:1, 2, 5) Mbali Splane ohawaddela anamasunza wi, agamala osunza myeri mitanu na mmodha anokana ewodhelo ya ovahiwa mabasa a ttima enddimuwa; mabasa a olaleya. Mabasa aba anofuniwana ottittimihiwa-wene.
Mbali Splane ohiloga wi “yobo yologo”, enaddiwana maningo ehu. Iyene ohittiyaniha yobo enubiwa na ologo na yina enubiwa na nddarhama. Yobo enubiwa na nddarhama kinlabiwetxana. Yobo enubiwa na ologo enubeliwa olabiwagana. Akala iyo ninottittimiha yobo enubiwa na nddarhama, enowoneya wi ninozuzumela vina dhili muyobonimwa. Mbali Splane ohawaddela dhahi anamasunzaya: “Nyuwo anamasunza, kili yofuneya nyuwo ovizuzumela mwanyene. Mabasa enyu omisionariyu, muvahedhiwe wi mwakukusele attu wa Yehova. Nyuwo muli yobo yubiwe na ologo wofwewa.”
(2 Korinto 6:13) Apa ddinuloganina ninga anaga: ddirelení yokokene, muddifugulelaga wenyu.
w09 15/11 21 ddima 7
Libihaganivi Okwelana Wenyu Wenamudhi
7 Kito iyo? Ninawodhe dhavi “olibiha” okwelana wehu wenamudhi? Akala nili attu a mahimo mamodhene, peno ottiyana, peno a sayízi yottiyana obe a elemelelo yottiyana, ninofuniwana okana elemelelo ya okanelana supaje muttu na mukwaye. Akalawo attu anziveliwa ovega mumodhani. Mbwenye akala ekalelo yehu ja wattiyaniha Akristu akwihu niziveliwaga na ena, ninofwanyela “ovilibihedha”. Egakala ya malago ovivuza dhahi: ‘Miyo ddinokanaga malabo andowagemi mmabasani olaleya vina mmavegoni vamodha na abali akwaga? Miyo ddigakala Onumbani ya Omwene ddinowapwazaga abatiziwi aswa sabwa yawi ddinfuna ddikaletxe vamodha na akwaga mudhidhi wetene? Ddinorumela okala marho wa anddimuwa a mmulogoni vamodha na abaliya ena?’
13-19 YA MAYU
MAFUMO A MAZU A MULUGU | 2 KORINTO 7-10
“Mabasa Okamihedha Ankosihu”
(2 Korinto 8:1-3) Amudhaga, ninofuna ouziwihani gari emothiyedhe Mulugu mitugumano dh’o Masedónia. 2 Akristuyá, ehiwevi na masoso manddimuwa onilani, kagulugudheyile; athabwilevi oyelega, aperheka na murima wohagalala mivaho dhowinjiva. 3Ddinowaddelani ebaribari wi awene aperheka na murima bari mwawodhelani, akwaranyavo vina.
w98 1/11 25 ddima 1
“Mulugu onziveliwa na ole onvaha na murima wetene”
Voroma-vene, Paulo ologile na Akristu o Masedónia, awene ahoniha merelo osibeya vaddiddi, a wakamihedha Akristu akwawa. Paulo ohileba: “Akristuyá, ehiwevi na masoso manddimuwa onilani, kagulugudheyile, athabwilevi oyelega, aperheka na murima wohagalala mivaho dhowinjiva.” Akristu abale kang’anile oyelega wawa. Mottiyana-mwene, Paulo ohiloga wi “awene aperheka na murima bari mwawodhelani, akwaranyavo vina.” Murima wofwewa wana Akritu o Masedónia kundduwaleya, ttabwa-ttabwa venevo vanziwehu wi aweneya ahittabwa “oyelega”.—2 Korinto 8:2-4.
kr 209 ddima 1
Mabasa Okamihedha Ankosihu
YALI yaka ya 46 N.K., ntti nali nsaka nafwanyiwe elabo ya Judeya dala enddimuwa vaddiddi. Akristu Ayuda ali elabo ejile kana korowa yogulana oja wagulihiwa, sabwani ojawa wakala muttengo munddimuwa vaddiddi. Anfiyedha ovoliwa dala, sepe-sepe n’okwa. Mbwenye kavo okwile, vowi nlada n’obarela na Yehova nali na awene. Awene akamihedhiwe dhavi na Yehova?
(2 Korinto 8:4) Aniloba na ntidi oya mugarini-mpu yowakamyedha akristu o Jeruzalemi.
kr 209-210 ddima 4-6
Mabasa Okamihedha Ankosihu
4 Mwari mwa karta yanawili ya Korinto, Paulo ohiloga wi Akristu ahikana mabasa afuniwanani olaba mparha-wili, mabasa olaleya. Masiki eziweyaga wi karta ya Paulo walebele Akristu ottikitteliwa, masaka abano mazu aba anowalabela “mabila mena”. (Joau 10:16) Mabasa ehu a olaleya anokosa mpaddi wa “mabasa a wandaniha”, vowi mabasa a olaleya vina osunziha. (2 Kor. 5:18-20; 1 Tim. 2:3-6) Mabasa mena babale ankosihu wi nakamihehedhe alabeli akwihu. Nona Paulo aloga wi “mabasa okamihedha”. (2 Kor. 8:4) Iyene walogela dhawene wi áddena “mabasa a wandaniha” na “mabasa a okamihedha” Yononeliwamo yina jiji yawi mazu aba “mabasa awandaniha” na “mabasa a okamihedha” omeli angwela munzuni nimodha: “mabasa” na elogelo ya Egrego anlebiwa dhahi: di·a·ko·niʹa. Agatapuleliwa ninnonelamo dhavi?
5 Dhologa esi bili dhilogile Paulo addagana mabasa meli ottiyana, iyene waloga na mabasa mena anttiddiwa mmulogoni m’Okristu. Voroma-vene iyene ohiloga: “Mabasa kanligana, Nabuyayá ddi mmodha bahi; mivaho dhotene dhindha mwa muya . . . Onimugawela muthu-muthu bari munfunela muyaya.” (1 Kor. 12:4-6, 11) Paulo oladdaniha mabasa menjene ankosiwa mmulogoni na mabasa ‘ovuwiha muthaka.’ (Rom. 12:1, 6-8) Mohaganyedha iyene wahiziwa wi yanfuneya okalawo egumi yaye yotene wi ‘alabele akoddeli’!—Rom. 15:25, 26.
6 Paulo ohawoniha Akristu o Korinto wi mabsa okamihedha anokosa mpaddi wa mabasa olaleya vina anowiwanana na omwebedha wehu Yehova. Yafuneye ononihedhamo yali yawi: Akristu anakamihedha akwawa akosela sabwa yawi awene ahiziwa “weddana muthaka wa Kristu”. (2 Kor. 9:13) Awene anttukuleleya wakamihedha Akristu akwawa, sabwani ahikana efunelo ya weddana masunziho a Kristu. Ekalelo ya awene wakamihedha alabeli akwawa, ehifiyedha omuttukuleliha Paulo ologa mazu awi ‘mahala akelilani adhile wa Mulugu’. (2 Kor. 9:14; 1 Ped. 4:10) Mwang’aneli wa yaka ya 1975, 1 wa Dezemburu, ohiloga mazu addagana mabasa ankosihu a okamihedha: “Iyo txipo kanubuweleni wi Yehova Mulugu vamodha na Mwanaye Kristu anopwaza mabasa aba anlabihu.” Ndde, mabasa okamihedha anovaha ttima webedha wehu.—Rom. 12:1, 7; 2 Kor. 8:7; Aheb. 13:16.
(2 Korinto 9:7) Muthu-muthu avahe yubueliye mmurimani mwaye; kavahe n’okubanya peno n’omageleliwa, vowi Mulugu onziveliwa na ole onvaha na murima wetene.
kr 196 ddima 10
Mabasa Ehu a Omwene Aneddihiwa na Mivaho
10 Ennikosiha iyo ovaha dhinkanihu, jawi iyo ninomukwela Yehova; ninfuna nire dhotedhene “dhinimuzivela”. (1 Joau 3:22) Yehova onoziveliwa na mulabeli onvaha na murima waye wotene. Ndoweni noneni mazu alogile murumiwi Paulo, awaddagana Akristu akosa mvaho. (Kengesa 2 Korinto 9:7.) Mukristu webaribari kankwekwetteliwa, nne kammageleliwa ovaha. Iyene onvaha sabwa ya oziwa wi “muthu-muthu onvaha ejile yubuweliye mmirimani mwaye”. Kuloga wi, iyene onvaha agamala winanela. Mvaho ninga obo onomuzivela Yehova, vowi “Mulugu onziveliwa na ole onvaha na murima wetene”. Yotapulela yina ennoneliwamo na mazu aba awi “Mulugu onakwela athu anziveliwa ovaha.”
Nipepese Mafumo a Omuyani
(2 Korinto 9:15) Nimutamalele Mulugu, onigawela mvaho obu munddimuwa, ohinlogeya.
w16.01 12 ddima 2
Akwaneliwani ‘Mvaho Munddimuwa wa Mulugu Ohinlogeya’
2 Paulo wahiziwa wi mapikirelo otene awumiha milogo a Mulugu, anwodheya sabwa ya mukutto wa Kristu. (Kengesa 2 Korinto 1:20.) Dhahene, mvaho obu “munddimuwa ohinlogeya” onaddiwana na maruriho anfuna onivaha Yehova abuwene anawodheye sabwa ya mukutto wa Yezu. Orela wa mvaho obu onowumiha milomo ofiyadha ohiwodheya ologiwa na attu a vati. Oziwa wi ninela ovahiwa mvaho ninga obu onnittukulela okana merelo gani? Vina mvaho obu onniwodhiha dhavi okosa kukuttu wi niwodhe ovisasanyedhela mwawakwana-mwene Wubuwela Okwa wa Yezu onatugumaneliwe sika Txittattu, mweri wa Marsu 23?
(2 Korinto 10:17) Nona, “Ongaya agayele okala na Nabuya”.
g99 8/7 20-21
Ovittukulela Kwabure?
Malebo Egrego a Akristu, kau·khaʹo·mai, antapuleliwa na dhologa dhawi: “ovikonya, ogaya, ovigwarula,” dhologa esi dhotene dhinologiwa na ekalelo ya oriheya; mwa mpaddi mwina na ekalelo yotanyiwa. Ninga motagiha, Paulo ohiloga wi “ninowodha ofiya wa Mulugu nigayelaga enjyedhihu.” Iyene vina ohiloga: “Nona, ongaya agayele okala na Nabuya.” (Roma 5:2; 2 Korinto 10:17) Eji enoniha wi ogayela wa Yehova Mulugu, ononittukulela okana merelo a ottittimiha nzina naye.
20-26 YA MAYU
MAFUMO A MAZU A MULUGU | 2 KORINTO 11-13
“Mmaningoni mwa Paulo ‘Mwahivolowa Yososa, Yakala Ninga Mwinga Onlatamo’ ”
(2 Korinto 12:7) Txibarene Nabuya oddoniha dhotikiniha dhinddimuwa. Afunaga wi ddihivithithimihena, mmaningoni mwaga muvolowa yososa, eli ninga mwinga onlatamo, eli ninga epano ya satana edhele odditabutxa, wi eddibarele ovithithimiha.
w08 15/6 3-4
Owaralene Masiki Mukumuwani
Mulabeli mwina wali murumiwi Paulo, odduwene wamukumbirile Yehova wi aburutxiwemo ‘mwinga wali mmaningoni mwaye’, wamusosa mudhidhi wetene. Iyene wahimukumbirha Yehova dila ttaru wi afuruliwe mwari mwa masoso aba. Masoso aba aladdanihiwa na mwinga, agahimbarela Paulo wakwaniha mabasa avahiwiye na Yehova. Otabuwa oku Paulo wahiladdaniha na muttu onvahiwa mafuddadda malabo otene. Yehova ohimwakula dhahi: “Oukwela waga onowakwanela. Owodha waga ononeyetxa vanobana muthu”. Yehova kaburutxilemo mwinga obule mmaningoni mwaye. Yanfuneya Paulo owanana-wene, nona iyene aloga: “Vanobanimi, panliba miyo.” (2 Kor. 12:7-10) Veneva Paulo afuna anonihedhemo nni?
(2 Korinto 12:8, 9) Ddimuloba Nabuya dila tharu wi addikutxemo. 9 Apo iyene oddakula: “Oukwela waga onowakwanela. Owodha waga ononeyetxa vanobana muthu”. Nona ddigagayana wobana waga na murima wotene, wi guru dha Kristu dhikale na miyo.
w06 15/12 24 ddima 17-18
Yohova “Onowavaha Muya Wokoddela Abale Animuloba”
17 Mulugu ohimwakula Paulo dhahi: “Oukwela waga onowakwanela. Owodha waga ononeyetxa vanobana muthu”. Mmalelani Paulo ohileba: “Nona ddigagayana wobana waga na murima wotene, wi guru dha Kristu dhikale na miyo.” (2 Korinto 12:9; Masalmo 147:5) Paulo ohizinddiyela wi mwari mwa mukutto wa Kristu, punda guru dhobarela dha Yehova esuwene dhattanikeliweye ninga ettala yobarela. N’ekalelo yakakene, masaka abano Yehova onakula malobelo ehu dhahene. Iyene onottanika nibarelo naye wi attawihedhemo alabeli aye.
18 Nigang’ana deretu ninowona wi ettala, kinvaddetxa egafwanyiwa muzogwe obe pevo, mbwenye enobarela vang’onovi. N’ekalelo yakakene nibarelo ninda mwari mwa “guru dha Kristu” kaninnittawiha masoso annigwela. Enkosa nibarelo ntti, ja oniwaraliha mpaddi womuyani, onirabeliha dhoputtula dha elabo ejino, vina na dhosegedha dha mulamuleli wa elaboya, Satana. (Ovuhulela 7:9, 15, 16) Nona masiki masoso ‘ahugomelege’, kuzuzume, oziwe wi Yehova onowona masoso anufwanya vina iyene onowakula ‘wunla wawo’. (Izaiya 30:19; 2 Korinto 1:3, 4) Paulo ohileba: “Txibarene Mulugu onovirihamo dhipikireliye, kanarumele wi mufwanyiwe manyengetho ahinwodha nyuwo owanana. Mudhidhi wonyengethiwa Mulugu onoulibihani, muwodhe obudduwamo mupemberhe.”—1 Korinto 10:13; Filipi 4:6, 7.
(2 Korinto 12:10) N’eji ddinothabela wobana waga, oruwaniwa, ojombeliwa, widdiwa, segedho, dhinvilelimi n’omukwela Kristu. Pumwenemo: vanobanimi, panliba miyo.
“Iyene Onomulibiha Okukumuwile”
8 Kengesa Izaiya 40:30. Masiki nivadde ninga munvaddela iyo, kinwodheya wakwaniha mabasa anvahiwehu na guru dhehu-dhene. Eji kinruneya, notene ninoziwa. Murumiwi Paulo wahikana dhawobana dhahamuwodhiha okosa mabasa mena attomeliwiye, masiki valiyevi mulobwana wamulabele Mulugu mwari mwa vyaka dhinjene. Paulo ohubuwela emwaddele Mulugu: “Oukwela waga onowakwanela. Owodha waga ononeyetxa vanobana muthu.” Mmalelani Paulo ohinonelamo yafuna Mulugu ologa. Nona iyene agwadda dhahi: “Vanobanimi, panliba miyo.” (2 Kor. 12:7-10) Veneva Paulo afuna anonihedhemo nni?
9 Poulo ohinonelamo wi iyene yeka kagawodhile okosa mabasa a attomeliwiye na guru dhayevi bahi; wanfuna ewodhelo ya wirimo. Muya wokoddela wa Mulugu wanwodha onvaha Paulo guru dhamujombela. Kahiye ejuwenevi bahi, muya wa Mulugu vina, wanimuwaraliha Paulo ofiyedha iyene okosa mabasa agahiwodhiliye okosa na guru dhaye yeka. Yakakene enopadduwa na iyo. Akala guru dhinkanihu dhinda wa Yehova, bahi, ninela owodha okosa enfuna iyene n’owarala wotene!
Nipepese Mafumo a Omuyani
(2 Korinto 12:2-4) Ddinimuziwa muthu onimurumela Kristu, othukuleliwe odhulu-odhulu, n’ejino vyaka kumi na nayi. Txino owelihiwe namaningo aye-ene, penu muzimuvi, kaddinziwa; onziwa ddi Mulugu. 3 Ddiziwa wi muthu oddo owelihiwa mpaka vali Mulugu-kaddidhi akala owelihiwe na maningo aye-ene; Mulugu ddinziwa.—4 Wenewo ohiwawo mazu otikiniha, ahinwodha ologiwa na muthu.
Mavuzo Ankosa Anamengesa
“Erimu yaneraru” enlogiwa va 2 Korinto 12:2 nladdaniho na Omwene wa Muttikitteliwi oli mmaddani mwa Yezu Kristu vamodha na 144.000, abuwene anladdanihiwa na “erimu eswa”.—2 Ped. 3:13.
Enlogeliwani “erimu yaneraru”, jawila Omweneya bottukuwa-ttukuwa, onowebedhiwa n’ekalelo yawakwana-wene.
“Parayizu” “othukeleliwe” Paulo murohani, enoneya ninga onaddiwana (1) Parayizu onakale velaboni ya vati, (2) parayizu womuyani onadhe vasogorhova, odduwene onavapeye venjene opitta oddu oliwo ovanene, vina (3) “parayizu wa Mulugu” onakale odhulu, mudhidhi wakakene onakalewo parayizu wa mwilaboni.
(2 Korinto 13:12) Lejelanina mukalelinyu na bejo y’enamudhi. Akristu etene anourumelani malejelo.
it-2 325
Bejo
“Bejo y’enamudhi.” Akristu oroma anlejelana na “bejo y’enamudhi” (Rom 16:16; 1Kor 16:20; 2Kor 13:12; 1Tes 5:26) obe “bejo y’okwelana” (1Ped 5:14), enkala ninga abali alejelana abalivi vina arogora alejelana arogoravi. Olejelana oku wa bejo wali ninga okule wakosa azamani a nlogo nawa; Ahebreu. Masiki Malebo ahifurumulelagamo mulejelelo obu, wa “bejo y’enamudhi” peno “bejo y’okwelana”, eji enoneya ninga yali ezinddiyelo ya okwelana wawakwana vina ya wiwanana wali mmulogoni m’Okristu.—Jo 13:34, 35.
27 YA MAYU–2 YA JUNYU
MAFUMO A MAZU A MULUGU | GALÁSIA 1-3
“Miyo Ddihimpambiha Nilogaga Kove na Kove”
(Galásia 2:11-13) Vafiyile Pedro o Antiokiya, miyo ddimpambiha nilogaga kove na kove, vowi wavonya. 12 Omaromo-wene, ahinafiyawo athu ena arumiwe na Tiago, iyene wanja na akristu, ahibudduwile munlogoni na ayuda; vafiyile anamasunza abo, oroma warabela, othiya wedda na awene, awovaga ayuda apendda otxetheliwa. 13 Amudhihu ena ayuda arava osalapitha oko wa Pedro. Barnabé vina okwekwetheleya weddana ekalelo yokokene.
Weyo Onowoniha Ekalelo Yoligana ya Yehova?
16 Kengesa Galásia 2:11-14. Pedro wahawova attu. (Gano 29:25) Masiki vattagileye oziwa magano a Yehova mwaha wa makani abale ovitaganyiha na amalabo, iyene wanova osumuleliwa sabwa ya masunziho amale oziwa Ayuda a mulogo wa o Jeruzalemi. Murumiwi Paulo wadhowile vina omatugumanoni aba agumaneliwe o Jeruzalemi yaka ya 49 N.K., wahimusaddeya Pedro o Antiokiya onihaga ogwaragwambi waye. (Mer 15:12; Gal. 2:13) Nivuzo nimbudduwa venva ttitti: Akristu abale ahatxetteliwe atxatxamiwa na Pedro, akale dhavi onaga otanyiwa ninga oku? Nilogeni wi awene agahimaga ntxiga mmirimani? Pedro agahakihiwa mabasa aye sabwa ya obure obu wakosiliye?
(Galásia 2:14) Vonilemi meddelo awa ahiwananaga na ebaribari ya Muthaka, ddiloga na Pedro vamentoni va etene: “Akala weyo oli muyuda, onedda ninga mmalabo, ohifwaraga meddelo a ayuda, onwodha dhavi wamagelela amalabo weddana makalelo anfuniwana ayuda?”
w13 15/3 5 ddima 12
Animukwela Yehova Anojavo, “Kaval’ilo Enadhugudha”
12 Pedro wahoniha wova waye attu; masaka menjene iyene wanvonya vaddiddi; mbwenye masiki na dhawobana esi dhotene iyene waniwananeyanavi na Yehova. Motagiha, siku dhahi bali vamuttittini wa attu, ohiloga wi kanimuziwa namasunziha waye, iyene kalogile dila modha, ologile dila ttaru. (Luka 22:54-62) Musogorhomwa iyene ohivonya vina; wahidha waweddiha Akristu ahatxetteliwe n’ekalelo ya waveviha opitta Akristu a Ayuda atxetteliwe. Mbwenye murumiwi Paulo wahona ovonya wa mulobwana oddule—kayaliwo sabwa ya muttu omuttiyaniha muttu mukwaye mmulogoni; Pedro wahivonya-wene. Paulo vonileye obure wa Pedro, kamukanele manyazo; ohiloga na iyene kove na kove, iyene kattiyile wi ekalelo eji ya Pedro yinjive. (Gal. 2:11-14) Pedro ohinyanyala omulaba Mulugu sabwa ya osaddeyiwa vari va anamwinji? Nne. Iyene wahiwelela malago a Paulo, wahirumela vina wahittiya ekalelo ejile ya otanya akwaye.
Nipepese Mafumo Omuyani
(Galásia 2:20) Miyo muttu wawale kaddiwo, oliwo ddi Kristu onddikaliha. Okalawo oneddemina mwilaboni-mpuno, ddineddana n’omuroromela Mwana Mulugu onddikwela, ovilevela miyo vapingirhizini.
w14 15/9 16 ddima 20-21
Omulabela Mulugu na Ntidi Masiki “Votabuwani Venjene”
20 Ninakose dhavi nigapadduweliwa rurumutxani? Niwodhe dhavi osaddulela dhubuwelo dhokumula? Elobo yofuneya okosa ja wubuwela mukutto. Jijuwene yakosetxa murumiwi Paulo. Masaka mena iyene wankumuwa vaddiddi—wakala ninga konelamo dhakosiye. Mbwenye iyene vina wanziwa wi Kristu kakwele attu oligana, wakwele attegi. Paulo wali mmudhovo wa attegiya abo. N’eji iyene ohileba: “Okalawo oneddimina mwilaboni’mpuno, ddineddana n’omuroromela Mwana Mulugu”. (Gal. 2:20) Ndde, Paulo wahakela yobolo. Wanziwa wi Yezu omukwele iyene.
21 N’ekalelo yakakene—wakela mukutto obu ninga mvaho wa Yehova—ononivaha ewodhelo enkamihedha. Kahiye wi ogafwanyiwa dhokumula dhinomala momaguva, nne. Mwa ologa wawakwana-wene ahikalawo ena a iyo anawanenavi segedho ofiyedha elabo eswa. Mbwenye kanidduwaleni: Anattuviwe babale ahiniyelela mundduni. Iyo ninjedha siku nokoddela-koddela ninemetxe Mulugu Omwene waye onadhena murenddele wattukulelaga aroromeli otene okala aligani. Kagana ovolowa Mumweneni mpu—Masiki na masoso ovingaya.
(Galásia 3:1) Nyuwo ataduwa akadda Galásia! Bani outadutxileni, nyuwo mutonyihedhiwe vawoneya-vene Yezu Kristu okomeliwe [vapingirhizini]?
it-2 170
Galásia, Karta ya
Ologa oku wa Paulo wawi “Nyuwo ataduwa akadda Galásia,” kunlagiha wi iyene alogaga mazu aba waloga na attu a elemelelo modhene abuwene akala vipaddi dha titela dha Galásia. (Gal 3:1) Paulo waloga na nikuru na attu ali mmulogoni abuwene aravihiwa yeddelo yotowa malago ya Ayuda akala vari vawa, Ayuda abo ali abale awadelela dhosunziha dhawa esuwene dhattukulani mwari mwa malamulo a Mizé asaddulagana ‘nroromelo na alabeli a Mulugu’, nakulu masunzihoya ahimala otxinjiwa na malamulo maswa. (2:15–3:14; 4:9, 10) Milogo dha o Galásia dhali dhovuganyeya-vuganyeya, mwahikala Ayuda na abali ena ahali Ayuda; kartaya yalebeliwe makuru omeli, Ayuda obaliwana na ayuda oyamo, na attuya ena adha mwari mwa malogo mena. (Mer 13:14, 43; 16:1; Gal 5:2) Otene akuweliwa Akristu o Galásia, sabwani mburoya wakuweliwa Galásia. Mazu otene a karta ya Paulo, anoneya wi iyene walebele abale amale ottiddeya na elemelelo ya akadda Roma akala ogusuni, iyene kalebela anawedda otene ali mpaddi obule abuwene ahaliye ahinatti waweddelela.