YEDDELO YA AKRISTU

Gari Yehu ya Omaga vina Okoddeliha Mburo wa Webedha Webaribari

Omagiwa wa mparha wa akadda Izrayel yanfuneya mabasa menji na muttengo munddimuwa. Noona, ana Izrayel ahikosa mabasa aba na okwela onddimuwa. (1 Map. 29:2-9; 2 Map. 6:7, 8) Mumalelani omagiwa mparhaya, okoddelihawa egatapuleli wi awene ali attu oliba omuyani obe nne. (2 Amwe. 22:3-6; 2 Map. 28:24; 29:3) Ovanene, Akristu anokosa guru wila amage, akoddelihe, vina akuputte mimburo dha Numba dha Omwene na Numba dha Matugumano Manddimuwa. Dhahene, olaba na Yehova gari enddimuwa vaddiddi vina enokosa epaddi ya mabasa okoddela.​—Masal. 127:1; Ovuh. 7:15.

NINAKAMIHEDHE MODHELA . . .

• Wakela mabasa matugumano agamala. Akala kunwodha, kaddodda dhilobo dhotakaliha dhili makome agilatiliwe

• Okoddeliha vina okuputtaga Numba ya Omwene. Mada menji anokosiha mabasaya okala ohagalaliha vina ovevuwa.​—lv 92-93 ddima 18.

• Ovaha dhosokela. Masiki ‘nvahoya okale mung’onovi’ ogavahiwa na murima wotene onomuhagalaliha Yehova.​—Mk. 12:41-44.

• Ovivelela okosa mabasa a omaga na ovenyihedha Numba munkosiwa mabasa a Omwene akala onowodha. Kahiyo wila anfuniwa babalevi anziwa Omaga.