Nunuwihe Ewodhelo Yehu Mmabasani a Olaleya​—Oziwe Okosa Mavuzo Ahinrutxa Ononelamowa

EKALELANI YA MAKAMAKA: “Dhotanalela dha mmirimani dhinoladdana na manje ali ntxela novaya;” noona mavuzo akalege ninga muttepu worugana manjeya. (Gano 20:5) Mavuzo anomwika mmakanini namavuruwanaya. Dhowakula dhosakuliwa na malago dhinoziviha makaniya. Yezu wanziwa okosa mavuzo aharutxa ononelamowa. Niwodhe dhavi omutagiha?

NINAKOSE DHAVI:

• Okose nivuzo niniwanana na enoniweya. Yezu wannakosa anamafwara aye mavuzo ohirutxa ononelamowa, n’eji anamafwaraya anwodha ovipimelela. (Mt 16:13-16; be-T 238 ddima 3-5) Mavuzo gani anoniwe wi anomukosiha muttuya ovipimelela?

• Mavuzo animuhela muttuya mmakaninimwa. Labo nisaddeyiwe Pedro, Yezu voroma oromile okosa nivuzo, veli-veli bakula wi amunonihedhemo vangomela makaniya. (Mt 17:24-26) Nivuzo gani ninawodhiwe okosa wi omuhele muttuya mmakaninimwa?

• Omutamalela namakulaya. Yezu wahiloga na namasunziha dhahi wa magano na mazu awi: “Nyuwo, kamulapelanile na Omwene wa Mulugu.” (Mk 12:34) Onawodhe dhavi ologa mazu omutamalana muttu wakule nivuzo nimukosilewi?

KOONA EPADDI YOROMA YA VIDIYU FAÇA O TRABALHO QUE JESUS FEZ​—ENSINE OGAMALA WAKULE MAVUZO ABA:

• Ekalele nni yofuneya ovahaga masunziho ohirutxa ononelamowa masiki ononelamo wehu okale onddimuwa opitta wa muttuya onimusunziha iyo?

• Enlogeliwa nni wi jofuneya okosa mabasa menjeene opitta omulagihavi muttuya muselu onfunihu wi one?

KOONA EPADDI YANAWILI YA VIDIYUYA, OGAMALA WAKULE MAVUZO ABA:

• Mbali okosile dhavi mavuzo ohirutxa?

• Ekalelo yina eniyena yosunziha enfuniwehuna wi nitagihe jivi?