Dhipano Dhinvaviha Interneti​—Porhe-porhe Miregadhamo

EKALELENI YAMAKAMAKA: Moligana na vipano dhina, vipano dhinvaviha interneti dhinodha okala dhopureleyamo obe dhoputtula. Akalawo Akristu angana okala s’e olabana vipano dhinvaviha interneti. Ena anolabana wi alogena amudhawa obe amarho awa. Mbwenye niziweni wi Ddiabo onfuna iyo nilabegena vipano esi n’ekalelo ya oniputtula, eji endda otakaliha omuttu wehu vina omulabela wehu Mulugu. Moligana na Yezu, enowodheya iyo wang’ananiha magano ali Mmazuni a Mulugu wi nizinddiyele ngovi nigamala nirabele.​—Lk 4:4, 8, 12.

MIREGA DHOFUNA OREBETTA:

• Ogilatela wona vidiyu dha mwinternetini. Ogilatela wona vidiyu dha mwinternetini enodha osegedha yubuwelo yehu vina enononga mudhidhi wafunihu omulabela Mulugu

  Magano a Bibilia: Ef 5:15, 16; Fil 1:10

• Wona miselu dhosumuleleya. Wona mafoto anvenyiha maningo enonittukulela olodhowela wona mararuwo obe enotakaliha omuttu wehu. Wengesa miselu dhinleba asadduweli enodha okoromaniha nroromelo nehu enittukulelaga vangovini

  Magano a Bibilia: Mt 5:28; Fil 4:8

• Oleba miselu dhotowa malago vina wekamo mafoto onyakuwa. Murima saringele; kunkuluveleya, noona muttu onodha opanela ohela mwinternetini miselu dhotowa malago obe mafoto osumuleleya. Dhawira esi dhinompigidha muttu, vina dhinoridhiha nroromelo na muttuya

  Magano a Bibilia: Rom 14:13; Ef 4:29

KOONA VIDIYU SÊ CUIDADOSO AO USARES REDES SOCIAIS, OGAMALA WINANELE MUWODHEYELO WA ORABELA DHIPADDUWILEMO: