NSUNZO 2

Ologa N’ofwaseya

2 Korinto 2:17

YOKOSA: Ologege na mukalelo wobaliwana otanalelaga makaniya na anamewaya.

Olobele vina ovisasanyedhe deretu. Olobele wi owodhe ovaha ttima makaniya ottiya dhinfuniwe ologa. Okoye mmirimani mitoma dhamakamaka. Ologe ninga mulani, orabele ologa ninga onowengesa nzu nimodha-nimodha obe ninga onuwubuwela.

Ogafunaga omwengesa Bibilia obe nivuru nina, ovisasanyedhe wi wengese, ononelemo dhinfuniwe wengesa vina ovishagihe. Ogengesaga dhologa dha muttu mwina, wengesege na etanalelo yaderetu ottiya okala ninga onkosa tiyaturu.
Ologe na mmirimani. Orome otanalela elobo enfwanyelela attu wiwa miseludha. Wazuzumele anamewa awo. Okoveni wawo vina makoseloya anele wakamihedha attuya okala ofiyedheya na weyo.

Ologa na mmirimani kintapulela ologa bure-bure. Ovahe ttima miseludha, mazuya oromolege ninga munlogeliwani.
Wawag’anege anameweya. Ovenyihe deretu kove yawo akala vamuruddani vawo okosa ejuwene kahiyo otowa nriho. Ogakosaga diskursu, ottiya wawang’ana attuya otene, wawag’anege mmodha-modha.