NSUNZO 7

Ovikuluvelana Dhinlogiwe

Luka 1:3

YOKOSA: Ologe miselu dha ebaribari wi wakamihedhe anamewa awo orumela na mirima wotene.

Olabihedhe miselu dhokuluveleya. Olabihedhe Nzu na Mulugu ninga nipara na miselu dhawo, wengesege kakamwe mBibiliani. Akala onfuna ovahe dhotagiha dha aziwitxi miselu dhindela dhipaddi dhina orome woona deretu akala miseludha dhinokuluveleya obe s’ovanene.
Kupupurutxe miseludha. Otapulele nlebona mowiwanana na Bibilia vina manivuru a “mwimeleli wororomeleya.” (Mt. 24:45) Akala onfuna olabihedhe nikamihedho nindela dhipaddi dhina kutxinje monelo wa nipara na makaniya.

Porhe-porhe wila onattabwihe obe onattapirihe dhologadha. Ologa “attu ena” ehittiyana na ologa “attu enjene,” ologa “dila dhina” ehittiyana na ologa “dila dhotene,” ologa “ejo txino enodha opadduwa” ehittiyana na olaga “ejo enele opadduwa.”
Olage mazu wi otanalele na attuya. Ogamala wengesa nlebo obe ologa yopadduwa, okose mavuzo ohinyimula, ovahe dhotagiha dhinakamihedhe attuya wona omagomelo wa makaniya.