NSUNZO 11

Ologa na Mazu Ogalamuwa

Roma 12:11

YOKOSA: Walogele anamewa mazu ogalamuwa vina olibiha.

Mazu anlogiwe arome ottidda murima wawo wamwinya. Ogavisasanyedhaga wi waloge v’attuni, orome wubuwela ttima ena museluya. Oziwelemo makaniya mpaka owodha ologa na murima wotene.
Wawubuwele anamewa. Katanalela mpattelo onakane mazu anfuniwe wawengesela obe wasunziha alivoya. Ogera dhawene onele wakamihedha anamewa awo ottidda nipara na masunziho awo.
Ologe s’oludduwa. Kaloga mazu ogalamuwa. Kalabihedha majesto vina onaludduwihe okoveni ogalogaga.

Porhe-porhe wazuzumiha anamewa awo na wiyelela majesto akakene a mada obe a okoveni. Majesto awo akaane yotapuleleya. Ogasunzihaga, voroma ologe mazu ogalamuwa a mutoma-mutomaya vina walibihe anamewa wi attiddevo zelu enapurelihemo. Onalemihe anamewaya na mazu ogalamuwavi vina onapottotxe mazuya.