Dhowakula dha Mabasa na Yeddelo Yehu ya Okristu
4-10 YA JANERO
MAFUMO A MAZU A MULUGU | ONAMAKUTHA 18-19
“Kakalagavi Wokoddela”
Enowodheya Ovibarela na Murega wa Satana
Voonile Yehova merelo abure akosa anamwanddamani awa, wahapanga ana Izrayel dhahi: “Kamurave meddelo a mwilaboni y’o Kanaá munuvelelani miyo. . . . Awene amala okwaruliha elabo na obure okosilani; jijuwene yawonihedhe miyo goi.” Vamentoni va Mulugu, mweddelo na mburoya wa akadda Kaná wali onyakuwa.—Onam. 18:3, 25.
Yehova Onosogorhela Nlogo Naye
13 Asogorheli a malogo mena eddihiwa na dhubuwelo dha attu. Motagiha, asogorheli a akadda Kanaá vamodha na nlogona ankosa dhilobo dhonyakuwa, ninga ogonihana wa muttu na murogoriye, ogonihana attu a vyano dholigana, wapa aima wi akose mukutto vina wawebedha amulugu osemiwa. (Onamakutha 18:6, 21-25) Yakakene, asogorheli akadda Babilónia vina Ejipitu, kaana malamulo okoddela ninga aba ana nlogo na Mulugu. (Olebeliwa 19:13) Masiki dhawene, nlogo na Mulugu, nannona mweddihedho weddiha asogorheli awa ororomela, alibihaga nlogo wi nilibihe webedha webaribari, oyesa womaningoni vina akosege matelo orihiwa. Txibarene ddi Yehova wasogorhela awene.
w14 1/7 7 ddima 2
Txini Enfuna Okosa Mulugu Na Obure
Kito attu abale ankodda ottiya obure wawa? Katanalela mapikirhelo aba: ‘Anfwara magano arabelaga obure bubure, anojavo elabo; oku avuti na asadduweli atomoliwaga mwilaboni vina arayiliwaga.’ (Gano 2:21, 22) Mwilaboni kanakalemo vina attu abure. Namukalelo obu, attu animwiwelela Mulugu vang’ono-vang’ono anele okala aligani.—Roma 6:17, 18; 8:21.
Nipepese Mafumo Omuyani
w06 15/6 22 ddima 11
“Okwela Gani Onna Miyo na Malamulo Enyu!”
11 Elobo yanawili ennittukulela ologa wi Malamulo emetxile Mulugu anowoniha wi onotanala nlogo naye yali ya wavaha gari anawedda vina ayelegi oddoddela obe osinanga esile dhahala mmuddani. Yehova wahawaddela ana Izrayel wi agasinangaga milima dha mmuddani obe mmaddebe kafwanyelela wúrula milima dhetene, anfwanyela wattiya ayelegi oddoddela obe osinanga esile dhahalamo mmuddanimwa. Anamalaba kafwanyela osinangamo milima dhotene dha mmuddani nne vina kafwanyela wúrula uva obe azeitona wahalamo. Kafwanyela wiyelelamo oddodda mapoje a sereyal wahala mmuddani. Obu wali mukalelo wa watonyihedha okwaela ayelegi, anawedda, anapawe vina amamukwela. Ebaribari wi mabasa aba a wurula dhahala mmiddani anlemiha vaddiddi mbwenye eji yanakamihedha awene ohilobaga dhoja.—Onamakutha 19:9, 10; Olibiha 24:19-22; Masalmo 37:25.
11-17 YA JANERO
MAFUMO A MAZU A MULUGU | ONAMAKUTHA 20-21
“Yehova Onosakula Nlogo Naye”
w04 15/10 11 ddima 12
Txini Enfwanyelihu Okosa wi Nikale—Muparaizu?
12 Ninofwanyela wubuwela mazu alogile Mulugu na ana Izrayel awi: ‘Koyanito malamulo otene anuvahani miyo ddabuno wi mulibe. Dhawene munowodha ovolowa mwilaboni endowinyu ottukula.’ (Olibiha 11:8) Va Onamakutha 20:22, 24, ninoromoliwa nlebo nakene: ‘Virianimo magano aba otene anuvahani miyo, kamulupe-wene wi elabo enauvaheni miyo enadhe outtapikani. Nona miyo ddinouwaddelani: ‘Ttukulani elabo yawa, kalanimo, ji elabo mwinjivile mukaka na wiyi.’’ Txibarene wila ewodheya okala mwilaboni yopikireliwa yanfuneya okana mandano ofiyedheya na Mulugu. Vattiyile ana Izrayel omwiwelela Mulugu wahattiya akadda Babiloniya wabeddegela vina ottukula elabo yawa.
it-2 314
Ohalana Dhorela Dhanamudhi
Elobo-elobovi emhalana muttu mwinyaya obe dhetene dhinttiyedhiwa muttu na amambali obe na attu ena. Mazuya anlabihedhiwetxa na elogelo ya Hebraiko baba na·hhál (substantivo: na·hhaláh). Eniwanana na wakela obe ovaha elobo elobovi ninga numba obe mindda akala mwinyaya onokwa. (Oleb 26:55; Ezek 46:18) Mazu aba ya·rásh anolabihedhiwa ninga ‘owaba mpaddo’, dila dhina, ‘ohala vamburoni’ mowiwanana na makaniya. (Wita 15:3; Onam 20:24) Mazu aba anotapulela vina ninga ‘wakihiwa; ottamagihiwa’. (Olib 2:12; 31:3) Mazu a Egeregu aniwanana na Ohalana Dhorela Dhanamudhi anoladdanihiwa na klé·ros, antapulela ‘gari’, mbwenye ahidha otapuleliwa ninga “quinhão”, omamalelowa, batapuleliwa ninga, ‘Ohalana Dhorela Dhanamudhi.’—Mt 27:35; Mer 1:17; 26:18.
it-1 279 ddima 1
Balame
Muvireli mpulo, Nowé wahipereka ninga mukutto ‘dhinama dhinvava vamodha na dhinama dhina dhokoddelene’. (Wita 8:18-20) Vasogorova Mulugu wahirumeliha attu oja vinama dhotene, mbwenye kafwanyela oja enama yahisijiwe, kuloga na nikamina momo. (Wita 9:1-4; kaladdaniha na Onam 7:26; 17:13.) Okoddela wa vinamadha nsaka nttile wewanana orumeliwa ninga mukutto; malebo anowoniha wi kazaliwo dhinama dhasakuleliwe ojiwa obe ninga ‘dhokwarula’ mpaka nsaka nimetxiwe malamulo a Mizé. (Onam 11:13-19, 46, 47; 20:25; Olib 14:11-20) Dhilobo dhoniha wila enama eji ‘jokwarula’ kazilebiwe mBibiliani. Dhawene dhinama dhinji dhalabihedhiwa wila dhiperekiwena mikutto dhali balame dhinddimuwa vina dhawopiha (aves de rapina ou necrófagas). (Koona POUPA.) Vinama dhiromile okoddihiwa mumalile wimetxiwa nipagano niswa, dhawene ninga monihiwe Pedro.—Mer 10:9-15.
Nipepese Mafumo Omuyani
it-1 572 ddima 7
Ovipopa
Malamulo a Mulugu ankoddiha-wene attu ovipopa sabwa ya amarafula. (Onam 19:28; 21:5; Olib 14:1) Ankoddihedhiwa sabwaya okala nlogo nokoddela vina nlogo nosakuliwa na Yehoval. (Olib 14:2) Nona ana Izrayel anfwanyela orabela merelo otene onyakuwa. Ovipopa sabwa ya amarafula yali elobo yahifwanyelela okosa nlogo anonelamo kakamwe ebaribari mwaha wa amarafula vina njedhelo na ovenyihiwa mukwani. (Dan 12:13; Aheb 11:19) Vina ana Izrayel ankoddihiwa ovigwadda wila attittimihe dhottanddiwa dha Mulugu, maningo a muttu.
18-24 YA JANERO
MAFUMO A MAZU A MULUGU | ONAMAKUTHA 22-23
“Mattanga Ajiwa Mikatte Dhihina Emela Antapulela Eni mwa Iyo”
it-2 125
Mattanga Ajiwa Mikatte Dhihina Emela
Labo noroma na mattanga vajiwa mikatte dhahana emela nali a sembeleya solene vina sabuddu. Labo nanawili, 16 wa nisani, dhamperekeliwa wa namakutta milima dhoroma dhamaguvela wittwa o Palestina. Mattanga aba ahinajiwa kanfwanyela ojiwa sereyal muswa, mikatte obe beu-beuvi yowarigiwa. Namakutta wanimperekela Yehova milima dhoroma modhela ozugunutxela oku-n’oku agamala ottiya vebuwani vaddumeyiwa mikutto, dhawene ninga munkosela attu agarigaga jela. Vina wamperekiwa mwana nibila wamugumi, wa yaka mmodha vamodha na sereyali wataganyihiwa na makura na mivaho dhina dhomwa. (Onam 23:6-14) Kanaliwo nikokomezo na oddumeya sereyali obe ottu vebuwani, dhawene ninga mwakosela anamakutta. Kiyaliwo nvaho waperekeliwa anamwinji obe attu otene, mbwenye murala mmodha-modha obe muttu-muttu wakala mu Izrayel wanfwanyela opereka mivaho dhotamalelana mwari mwa mudhidhi wa mattanga. —Obud 23:19; Olib 26:1, 2; koona PRIMÍCIAS.
Otapuleliwa. Oja mikatte dhahina emela mudhidhi obule yaniwanana malago avahiwe Mizé na Yehova, ninga mulebiwe va Obudduwa 12:14-20, yataganyiheya na mazu ali va versu 19: anloga ‘Masiku abo matanu na meli kamukoye emela mba mwenyu. Onja mikatte dhinna emela, onowigariwa mmulogoni na Izrayel, bakale mmalabo peno wa mwenemo.’ Va Olibiha 16:3, mikatte dhahina emela dhakuweliwa ‘mikatte dhawubuwelana goyi’ dhana wubutxedha a Yuda obudduwa wawa mw’Ejipitu nowaguva (vahanani mudhidhi wa odhakuwiha mugoddo wawa [Obud 12:34]). Eji yanawubutxedha goyi yawa vina odhari wawa, ninga mwalogeli mwinyene Yehova, ‘dhawene munerege wubuwela masiku otene labo n’obudduwa wenyu mw’Ejipitu’. Oziwa wawa wi ahimala ofuruliwa vina wafurule ddi Yehova yanattukulela awene okosa mattanga akosiwa dila ttaru vayakani.—Olib 16:16.
it-3 224 ddima 3
Mattanga a Pentekoste
Mukalelo wasasanyedhiwa milima dhoroma dha tirigu dhasinangiwa wanfwanyela ottiyana na mukalelo wasasanyedhiwa masevada. Desimu bili dha efa ya maruwa a ottu wa tirigu (4.4 l), wodhakuwa, dhanfwanyela otterekiwa ninga mikatte bili. Mwafwanyela ozana ‘mmawani mwenyu,’ eji yatapulela wila mikattedha dhiliganege na esile o dhasasanyiwa wila dhijiwege vatakulu ottiya dhasasanyeliwa mikutto. (Onam 23:17) Esi dhaveleliwa na mikutto dhoddumeya na mukutto waperekeliwa dhottega vina ninga mukutto woleveleliwana dhoddawa dha nlogo, ana nibila eli. Namakutta wanzugunutxela mikattedha na ana nibila oku-n’oku, azugunutxaga namaya vamodha na mikattedha, dhawene ninga munkosela attu agotxaga elobo obe agarigaga, eji yantonyihedha wila amperekela Yehova. Agamala opereka mikatte na ana nibila, namakutta wanja ninga mukutto wa oleveleliwana dhoddawa dha nlogo.—Onam 23:18-20.
w14 15/5 29 ddima 11
Weyo Onowedda na Nikuru na Yehova?
11 Ddi iyo ompurelamo nigavilibihedha wiwelela malago annivaha nikuru na Yehova ninga aba anaddela murumiwi Paulo awi: ‘Nubuwelanege wi nilibihe okwela, ottidda mabasa a pama. Kanitxelele matugumano ehu, ninga eniraga ena; nilibihanege ttabwa-ttabwa apa vanziwehu wi siku na Nabuya nli vakuvi.’ (Aheb. 10:24, 25) Mattanga vajiwa mikatte dhahana emela na mena analibiha ana Izrayel mpaddi womuyani. Ottiya ejuwene masaka akosiwa mattanga a misasa, nsaka nakalawo Nehemia, vankala wagalala venjene. (Obud. 23:15, 16; Ne. 8:9-18) Na mukalelo wakakene iyo vina ninopurelamo venjene mmatugumanoni a mmulogoni, amurudda vina attattamwa. Nona ndoweni nipureni gari eji wila nagalale vina nilibihe nroromelo nehu.—Tito 2:2.
Nipepese Mafumo Omuyani
Odhowenavi Ororomeleya Wawo!
3 Ororomeleya, ontapulela okwela webaribari vina omwebedha Yehova ninga Muttu; jijene enittukulelaga wika efunelo yaye vamburoni voroma nigakosaga dhosakula dhehu. Dhawene ninele wunuwiha mabasa animukoselihu Yehova. Ndoweni nisekeserhe nzu ntti, ororomeleya. Bibilia onotapulela nzu ntti ‘ororomeleya’ ninga elobo yowakwana ehivonyile vego. Motagiha, akala ana Izrayel afuna amperhekele Yehova mukutto wa dhinama, malamulo aloga wila mukuttoya wanfwanyela okala wa enama yamugumi. (Onam. 22:21, 22) Nlogo na Mulugu kanarumelihiwa operheka enama yajombeliwa mweddo, niyaru obe ninto; enama yamuredda yankoddihiwa. Yehova wanvaha ttima mukutto wa enama yohiragala obe yowakwana. (Mal. 1:6-9) Ninowodha onononelamo sabwaya yafunela Yehova dhilobo dhowakwana vina dholigana. Iyo nigatamelaga okana elobo-txilobo ninga musapo, nivuru obe epano yina, ninfuna wi ekale yowakwana [yampubula] ehijombile vego. Iyo ninziveliwa elobo eli yowakwana vina yoligana. Yehova oniwamo na mukalelo wakene nigamutonyihedha okwela wehu obe weddeyana wehu. Dhilobo esi dhinofwanyela okala dhowakwana vina dholigana.
25-31 YA JANERO
MAFUMO A MAZU A MULUGU | ONAMAKUTHA 24-25
“Yaka ya Jubileu vina Ofuruliwa Wehu”
it-2 697
Ofuru
Mulugu wa Ofuru. Yehova Mulugu wa ofuru. Iyene wahafurula ana Izrayel mwatxedheliwani mu Ejipitu. Wahawaddela wi kowiwelela malamulo aye agaharuriha mwilaboni. (Olib 15:4, 5) David wahiloga mwaha wa ‘murenddele ogali mwari mwa ngome dha akadda Jeruzalemi’. (Masal 122:6, 7) Txibarene malamulo anloga wi mulobwana koyelega, yanwodheya oviguliya ninga mudhari wila awodhe osapela murala waye. Mbwenye malamulo akene anavaha ofuru akadda ebreu alaba ninga adhari kowakwanihedha vyaka tanu na bili. (Obud 21:2) Nsaka na Jubileu (yapadduwa kovira vyaka 50), anfuruliwa attu otene alaba ninga adhari. Ahebreu otene alaba ninga adhari anfuruliwa, vina maddebe otene anwihedhiwa anyaya.—Onam 25:10-19.
it-2 315 ddima 5
Ohalana Dhorela Dhanamudhi
Ninga nddebena nahala mmadani mwa anamudhi mwari mwa ziza zigadhilewo, kanafwanyela ogulihiwa bure-bure. Mwebaribari. Maddebe ela oboleyihiwa obe walugarihiwa mowiwana na muttengo wa milima wasinangiwamo, muttengu wa ogulana wanwela yaka mmodha-modha mpaka yaka ya Jubileu, nsaka nawihedhiwa maddebe na dhorela dhina anyaya, akala kanagulihiwe kakamwe. (Onam 25:13, 15, 23, 24) Malamulo aba anlabihedhiwana vina numba dhamagiwa mwari mwa muttette dhaharijiwe na ngome, dhamagiwa otakulu, vattaddo. Numba dhamagiwa mwari mma muttette dharijiwe na ngome, wila yoboleliwe yanfwanyela wakwaniha yaka mmodha oromana labo nigulihiwe numbaya, kokwaranya yaka mmodha numbaya yankala ya namagulaya, kiyawodheya vina woboleliwa. Nilogaga mwaha wa akadda Levi, wila o bolele numbaziwa kawali mudhidhi wemetxiwe wafwanyelelani oroma wobolela, kuloga anwobolela mudhidhi-mudhidhivi masiki evire yaka sabwani akadda Levi mwilaboni mpule kana maddebe mena ottiya numbaziwa bahi.—Onam 25:29-34.
it-2 610 ddima 8
Jubileu
Sabwa ya wiwelela malamulo a Jubileu, nlogo nanwodha orabela mukalelo wa onamakumbela vaye, obuwene ononeyetxa masaka abano. Masaka abano ahikalawo attu attabwiletxe oyelega vina attu areliletxe vaddiddi. Sabwa ya dhorela dha muttu mmodha nlogo notene nampurelamo sabwani kawo waputtuleyetxa, sabwani otene anwodha okamihedhana na mikalelo dhottiyana-ttiyana wila nlogo notene nipurelemo. Nsaka nawiwelela ana Izrayel mareliho àvahile Yehova a Jubileu, anjavo murenddele wowakwana wavahile Yehova.—Iza 33:22.
Nipepese Mafumo Omuyani
w09 1/9 22 ddima 4
Ogakoseliwa Obure
Akala mwizrayilita wela onvada mwizrayita mukwe mpaka muttuya ovaddiwe okwa ninto nimodha, malamulo annimuttonga muttuya na mukalelo wofwanyelela. Waloga mukalelo ogattongiwe namavaddaya kahiyo namavadiwaya nne amudhe. Mbwenye malamulo ankokomeza wi muladduya wanfwanyela ottukuleliwa wa anamattonga—anamattonga—attomeliwe. Dhawene muladduya wangomihiwa na mukalelo wofwanyelela. Nlogo nanziwa wila omukosela muttu elobo yabure n’opuza muttuya oddo wanfwanyela wihedhiwa obure wakene obu wali mukelo wawatxinutxa attu akosa dhabure. Mbwenye dhahikalawo dhilobo dhina dhafwanyela opepesiwa.
1-7 YA FEVERERO
MAFUMO A MAZU A MULUGU | ONAMAKUTHA 26-27
“Onawodhe Dhavi Wakela Mareliho a Yehova”
w08 15/4 4 ddima 8
Mutxatxame ‘Dhilobo Dhihina Ttima’
8 ‘Dhorela’ dhinda dhavi oukalela mulugu? Ninga motagiha, kaubuwela nlugu nakala vatakulu va mwizrayel. Nafwanyela olabihedhiwa wila nimagiwena numba obe ngome mbwenye ‘banimetxiwa wila nebedhiwe’ obe ninga ‘nladdaniho’ nluguna nigahakwakwattutxa nlogo na Yehova. (Onam. 26:1) Na mukalelo wakakene, kobiri ekana mburo waye. Ninolabihedha wila nivisapelena vina okamihedhana mabasa a Yehova. (Koh. 7:12; Luka 16:9) Nona nigeka kobiri vamburoni woroma mwigumini mwehu, kobiri enodhaga okala mulugu wehu. (Kengesa 1 Timóteo 6:9, 10.) Mwilaboni mpu attu enji anozuzumela okana kobiri, nona ninofwanyela wika kobiri vamburoniva.—1 Tim. 6:17-19.
it-2 21 ddima 2
Wova
Sabwa ya mukalelo wamweddiha Yehova Mizé, Mizé wankosa mabasa otikiniha (hebr., moh·ra”) vamentoni va ana Izrayel. (Olib 34:10, 12; Obud 19:9) Abale ana nroromelo annimova Mizé. Anziwa wi Mulugu wamulabihedha Mizé wila aloge na awene. Ana Izrayel anfwanyela vina oriha musagala wa Yehova. (Onam 19:30; 26:2) Eji yatapulela wila anfwanyela ottittimiha musagala, amwebedhagamo Yehova na mukalelo wofwanyelela vina eddaga mowiwanana na malamuIo aye.
w91 1/3 17 ddima 10
‘Murenddele wa Mulugu’ Okweye Murima Wawo
10 Yehova wahaddela nlogo na ana Izrayel: ‘Mugavirihagamo malamulo aga, mugeddana magano aga, ddinourubwihedhani muzogwe vansakanivá; mattaka anouvahani vilo, miri dhinoubalelani milima. Ddinouvahani murenddele mwilaboni ejino; mugagonaga, kawo onururumutxani, ddinowatolotxa mwilaboni mwenyu ana vinama annonga vilo; koddo kinavire mwilaboni mwenyu. Ddineddege na nyuwo. Ddili Mulugu wenyu, nyuwo nlogo naga.’ (Onamakutha 26:3, 4, 6, 12) Ana Izrayel agahijavo murenddele modhela obareliwa wi analupeliwe na amwiddani awa, modhela ovahiwa vilo vina okana mandano ofiyedheya na Yehova. Mbwenye eji egawodheyile kowiwelela malamulo a Yehova.—Masalmo 119:165.
Nipepese Mafumo Omuyani
it-3 265
Viredda
Etoteyile Sabwa ya Opwaza Malamulo a Mulugu. Ana Izrayel ahaddeliwa nottaga wila kottiya weddana malamulo a Mulugu agahigwihedhiwa dhawopiha ninga ‘eredda yokotomola’. (Onam 26:14-16, 23-25; Olib 28:15, 21, 22) Malebo anowoniha wila egumi yomuyani obe yomaningoni anokosa epaddi ya mareliho a Mulugu (Olib 7:12, 15; Masal 103:1-3; Gano 3:1, 2, 7, 8; 4:21, 22; Ovuh 21:1-4), oku viredda dhinokosa epaddi ya ottega vina ohakwana. (Obud 15:26; Olib 28:58-61; Iza 53:4, 5; Mt 9:2-6, 12; Jo 5:14) Nona masiki ekalaga ebaribari wi dila dhina Yehova ohatotela attu dhilobo dhorutxa, niga omutotela maranya Miriya, Uziya na Geazi (Oleb 12:10; 2Map 26:16-21; 2Amwe 5:25-27), enoneya ninga dila dhinji viredda vina pestilência dhatoteya sabwa ya ottega wa attu obe malogo. Awene elosinanga dhatxeyilani, maningo awa atabuwa sabwa ya mweddelo wawa wabure. (Gal 6:7, 8) Mwa abale eyelele okosa mararuwo, murumiwi ologile wi Mulugu ‘ohattiya ofwara dhotakala dhonlela mirima dhawa, ofiyedha oveyihana maningo awa . . . Avitotelaga goyi dhinvahana na obure wawa’.—Rom 1:24-27.
8-14 YA FEVERERO
MAFUMO A MAZU A MULUGU | OILEBELIWA 1-2
“Yehova Onosasanyedha Nlogo Naye”
w94 1/12 9 ddima 4
Mburu Onfwanyela Okala Omwebedha Wehu Yehova Mwigumini Mwehu
4 Kokana gari ya wona wolapela-wene misasa dha ana Izrayel mwiddeddereni, txini egawodhiliwe wona? Misasa dhinji, dhotadeleya akalamo attu txino akwaranya muttengo wa amiliau araru, agawiwe ninga makuru mararu attomeliwe okala omazelo wa nzuwa, omaddowelo wa nzuwa, ogusuni na epaddi yomadhulu. Kosusela misasadha nigahiwona nikuru nina naddamele musasa wali vari va misasa dhotene. Makuru aba manai mang’ono-mang’ono a misasa akalamo ali nihimo na akadda Levi. Vari va musasa, epaddi ya rijiwe na erugu ya guwo, kwafwanyeya ‘musagala mogumana na Nabuya,’ obe mparha, wasasanyiwe na ana Izrayel ‘ana murima wononelamo,’ mowiwana na mashagiho a Yehova.—Olebeliwa 1:52, 53; 2:3, 10, 17, 18, 25; Obudduwa 35:10.
it-1 39 ddima 1
Misasa
Musasa wa ana Izrayel wahunuwa vaddiddi. Muttengo wa attu alebeliwe wanfiya 603.550 alobwana awodha oraba koddo, nihaelegaga ayana na aima, anakalaba na ena ahina ewodhelo ya ottidda mabasa, akadda Levi ali 22.000, vina ‘otaganyiheya wa attu enji’ ali anawedda—muttengoya wanfiya obe wankwaranya attu 3.000.000. (Obud 12:38, 44; Oleb 3:21-34, 39) Kanina ebaribari mwaha wa mburo walabihedhiwe wila yimetxiwe musasaya, muttengoya onottiyaya vaddiddi. Nsaka nemetxiwe musasaya osogoro wa Jeriko, vanddaboni na Mowab, vanologiwa wi waromile o ‘Bet-Hajesimot mpaka Abel-Hasitim.’—Oleb 33:49.
Nipepese Mafumo Omuyani
it-3 396 Olebeliwa
Olebeliwa nzina obe ziza mowiwanana na nihimo vina murala. Yampitta olebeliwa-olebeliwavi obe welegiwa wa misoro. Olebeliwa onromoliwa mBibiliani wanlabela dhilobo dhinji ninga mahimo, ottomeliwa mabasa a oraba koddo obe obe (mwa alevita attomeliwa) ottidda mabasa a mumparani.
15-21 YA FEVERERO
MAFUMO A MAZU A MULUGU | OLEBELIWA 3-4
“Mabasa Attomeliwe Akadda Levi”
it-3 484 ddima 5
Namakutta
Wiwelela Nipagano na Malamulo. Nsaka natxeziwe ana Izrayel mu Ejipitu, Yehova wahavikoyela ana ataji otene a mu Izrayel oku apaga ana ataji otene a mu Ejipitu mwari mwa mulili kumi. (Obud 12:29; Oleb 3:13) Txibarene ataji aba ali a Yehova, afuna ottomeliwa mabasa a ttima vaddiddi. Mulugu agahattoma alobwana otene ali ataji a mu Izrayel wila alabe ninga anamakutta vina anamang’anela mpara. Mbwenye ottiya ejuwene efunelo yaye yali ya wattomela mabasa aba alobwana otene a nihimo na akadda Levi. Nona iyene wahattiya akadda Levi wawaba mpaddo ataji otene a mahimo 12 (elegiwaga ziza na ana José, Efraim na Manassé, ninga mahimo meli). Mabasa a olebeliwa okosiwe wenewale ahoniha wila ahikalawo ataji owakwana 273 ahili a nihimo na akadda Levi, oromana ataji a mweri mmodhae para osogoro, opitta alobwana a nihimo na Levi, nona Mulugu wahiloga muttengo wafwanyela opitxiwa wila oboleliwena mwana mmodha-modha, muttengoya wali wa masikulu matanu (US$11) wafwanyeliwa opitxeliwa mwana mmodha-modha mwari mwa aima 273, kobiriya waperekeliwa Aroni na anaye. (Oleb 3:11-16, 40-51) Ejiya ehinapadduwa, Yehova wamala wasakulela alobwana a murala wa Aroni wila akale anamakutta, vina kadda Levi, wila akamihedhe mabasa a onamakutta a mu Izrayel.—Oleb 1:1; 3:6-10.
it-2 693
Akadda Levi
Mabasa Afwanyelani Okosa. Nihimo na Akadda Levi nakosiwa na mirala miraru, abudduwile mwa ana Levi: Jerson (Gersom), Koate na Merari. (Wita 46:11; 1Map 6:1) Murala mmodha-modha wahittomeliwa okala vakuvi na mpara, mwiddeddereni. Akadda Koat a murala wa Aroni attomeliwe okala osogoro wa mpara epaddi ya omazelo wa nzuwa (L), attu ena a murala wa Koat akalela ogusuni (S), murala wa Jerson wakalela epaddi ya omaddowelo wa nzuwa (O), murala wa Merari wakalela epaddi ya omazulu (N). (Oleb 3:23, 29, 35, 38) Mabasa afwanyela ottidda akadda Levi ali a wimetxa, odezmontari vina otteba mparaya. Mudhidhi wa wimetxa mpara Aroni na anaye anburutxa guwo yattiyaniha mburo Wokoddela na mburo Wokoddela-koddela, vina ankunela yobo yanipagano,mipara na dhobo dhina dhokoddela. Akada Koate atteba dhobodhene esi. Akadda Jerson atteba guwo dharijiwana misasa, dhopibelana, guwo ya o mavolowelo, guwo dha nsitto nirugunuwela vina kabala dha misasa (txino kabala dhokungana musagala mogumana), akadda Merari attomeliwe mabasa a okoya matabwa a musana na mabarotiya, matxikwa, mattuwa kabala na txilidha (kabala yarijiwana mpara).—Oleb 1:50, 51; 3:25, 26, 30, 31, 36, 37; 4:4-33; 7:5-9.
it-2 694
Akadda Levi
Malabo a Mizé, akadda Levi attidda mabasiwa mowakwana-mwene kowakwanihedha vyaka 30 dhobaliwa, mabasaya ali a otteba musana agafunaga omwala. (Oleb 4:46-49) Mabasa mena anwodheya olaba kowakwanihedha vyaka 25 dhobaliwa, mbwenye kali mabasa olemela ninga omwaliha musana. (Oleb 8:24) Masaka akalawo Mwene David, vyakadha dhahivuguleliwa dhikalaga 20. David walogile wi wavuguleliwe sabwani musana (ogatxijeliwe mpara ) kugamwalihedhiwe vina. Mabasa aba ottomeliwa vina okokeliwa agoma ogakwanihedha vyaka. (Oleb 8:25, 26; 1Mpa 23:24-26; koona IDADE, ERA.) Akadda Levi anfwanyela ononelamo deretu malamulo, sabwani anfwanyela wengesa vattaddo vina osunziha nlogo.— 1Map 15:27; 2Map 5:12; 17:7-9; Ne 8:7-9.
Nipepese Mafumo Omuyani
w06 1/8 23 ddima 13
Kakana Ononelamo—Modhela Omova Mulugu!
13 Mudhidhi wazugudheyetxa David emukamihedhile omukuluvela Yehova ja omova waye. (Salmo 31:22-24) Dila ttaru dhihindduwaleya, David wahivonya woniha omova waye Mulugu, avitotelaga goyi enddimuwa. Dila yoroma yewanana na ottukulela yobo ya nipagano mu Izrayel. David wahiruma wi yoboya ettukuliwe na miuva ottiya vetturini ya akadda Levi, dhawene ninga mwalogela Malamulo a Mulugu. Mudhidhi wafuna Uza obarela yoboya efunaga omotta, wahikwa venevale sabwa ya ‘ovanya oku.’ Ebaribari wi Uza wahittega, mbwenye, wali sabwa ya ovonya wa David ohirihile Malamulo a Mulugu ejuwene etotile yopadduwa eji yokubanyiha. Omova Mulugu entapulela wiwelela malamulo a Mulugu.—2 Samuwel 6:2-9; Olebeliwa 4:15; 7:9.
22-28 YA FEVERERO
MAFUMO A MAZU A MULUGU | OLEBELIWA 5-6
“Weyo Onawodhe Dhavi Wasanza Anaziri?”
it-3 71
Anaziri
Abale apikirela weddana na mukalelo wa Anaziri anfwanyela otadha makamaka dhilobo esi: (1) Vinyu na dhomwa dhina dhinlezeliha, yomwa ji yomwa enkamuriwa enlezeliha, vina ahijege milima dha mividera masiki dhikale dha wittwa peno dha wuma. (2) kafwanyela wiga nttitti na mmusoroni. (3) Kafwanyela omwaddamela muttu wokwa, masiki akale babe, maye peno mbale obe murogoriye.—Oleb 6:1-7.
Mapikirelo a Vawoka. Muttu wakosa nipikirelo na vawoka wanfwanyela ‘okalawo ninga munaziri [kuloga ovivelela] wa Yehova’, ottiya wakalelawo attu ena. ‘masiku otene ankalawo iyene ninga munaziri, ddwa Yehova obe onkala wokoddelene vamentoni va Yehova.’—Oleb 6:2, 8; kaladdaniha na Wita 49:26.
Txibarene, malago abale àkela Anaziri, ahikana ttima mumwebedhani mwawa Yehova. Dhawene ninga mwakoddihiwa anamakutta oddiginya maningo a muttu wokwa masiki kokala a mwana mmudhi wofiyedheya. Ankoddihiwa namakutta munddimuwa vamodha na akamihedhe aye sabwa ya ttima ana mabasa attiddani, kafwanyela omwa dholedheliha obe dhina dhinladdanana agattiddaga mabasa a Yehova.—Onam 10:8-11; 21:10, 11.
Ottiya ejuwene Anaziri anfwanyela oviwoniha ‘wokoddelene, modhela ohigwadda nttitti na mmusoroni mwawe.’ Ejene yanakamihedha attu otene ozinddiyela ovivelela wawa. (Oleb 6:5) Mazu a kakene na elogelo ya Hebraiko, na·zír, alabihedhiwa wila dhidhinddiyeliwena muri wa nvidera “ohisasuliwe” mwari mwa vyaka dha Sabuddu obe Jubileu. (Onam 25:5, 11) Joziwa vina oziwa wi nahisasanyiwa nipapi na nddarama nakala vapeto ya namakutta munddimuwa nalebiwe dhahi: ‘Okoddela onda wa Yehova,’ yali ezinddiyelo ya ‘muttu oleveliwe Mulugu [hebr.: né·zer, anda mmazuni akakene na·zír]’. (Obud 39:30, 31) Na mukalelo wakakene, txapewa wa wakala mmusoroni obe ezinddiyelo yaabala amwene ottikitteliwa a mu Izrayel, wankuweliwa na nzina nakakene né·zer. (2Sam 1:10; 2Amwe 11:12; koona COROA; DEDICAÇÃO.) Murumiwi ohiloga wi mmulogoni mwa Akristu, nttitti nolapa na ayana ninhala vamburoni va mantilha, kuloga ninlaba ninga mukunelo obarela vitturi vina musoro. Eji enowakamihedha wubuwela wila mburo wawa onottiyana na mburo wa alobwana, kadduwale masasanyedho a Yehova a wiwelela. Malamulo aba a—ohiga nttitti (yahali elemelelo ya alobwana), ohimwa vinyu, vina ofuneya wa ovikoddeliha mwa vipaddi dhotedhene—annakamihedha anaziri aviveleli wona ttima obe ofuneya wa ovivelela vina okosa efunelo ya Yehova.—1Kor 11:2-16; koona CABELO; COBERTURA PARA A CABEÇA; NATUREZA.
Nipepese Mafumo Omuyani
w05 15/1 30 ddima 2
Mavuzo Ankosa Anamengesa
Sansau wali Naziri na mukalelo wottiyana. Ahinabaliwa anju wahimutitela maye bamwaddela dhahi: ‘Onele orumala, ombale mwana. Mmusoroni mwaye kamunavire mbeni vowi mwanaya onleveliwa Nabuya oromana vorumaliwani waye onokala munaziri. Ddi iyene onavune ana Izrayel mmadani mwa akadda Filistim.’ (Anam 13:5) Dhawene, Sansau kaviveleli wila akale Munaziri. Iyene wela ottomeliwa na Mulugu wila akale Munaziri mwari mwa okalawo waye. Malamulo a ohiddiginya manigo a muttu wokwa kaamulabela Sansau. Kito nlamulona komulabelaga, venevo ahifunaga oddiginya maningo a muttu okwile agawodhile dhavi wobolela o Naziri waye oromiliyena ahinabaliwa? Nona vanowoneya ottiyana wa abale avivelela okala Anaziri na abale attomeliwa okala Anaziri mwari mwa okalawo waye wotene.