Dhowakula dha Mabasa na Yeddelo Yehu ya Okristu
1-7 YA MARSU
MAFUMO A MAZU A MULUGU | OLEBELIWA 7-8
“Ninsunza Eni na Musasa wa Ana Izrayel”
it-1 540 ddima 7
Mulogo
Alobwana enjene ana ettomo mu Izrayel, dila dhinji annimelela nlogo. (Ezd 10:14) Nona, “anddimuwa a mahimo” ahipereka mivaho mumalelani osasanyedha musana. (Oleb 7:1-11) Vina abale akosa ‘nipagno’ nsaka na Nehemiya anfwanyela okosa vamentoni va anamakutta, Alevita, vina ‘makolo a nlogo’. (Nem 9:38–10:27) Mwari mwa oleddo wa ana Izrayel mwiddeddereni, ahikalawo “anddimuwa a malogo, anamasogorela matugumano, attu oriheya”, mwari mwa abene ahibudduwamo attu ohakwana 250 avitaganyihile na Korá, Datãn, Abirau na Om, wila amusadduwele Mizé na Aroni. (Oleb 16:1-3) Na nikamihedho na Yehova, Mizé ohasakula alobwana owakwana 70 ali anddimuwa a milogo wila amukamihedhe na mabasa a ottonga ‘miladdu wa nlogo’ abuwene ahigawodhiliye okosa yeka. (Oleb 11:16, 17, 24, 25) Onamakutta 4:15 onowaromola ‘anddimuwa amahimo aba’, vina enkala ninga attu emelela nlogo ali akazembe anyakoddo, makolo na anamattonga.—Oleb 1:4, 16; Jos 23:2; 24:1.
it-3 467 ddima 4
Ruben
Mwari mwa misasa dha ana Izrayel, nihimo na akadda Ruben nali vari va ziza na akadda Gad na ziza na Simeau (kuloga ziza na Gad nali epaddi modha ziza na akadda Simeau nali epddi yina), nafwanyeya epaddi y’ogusuni ya musana. Mahimo aba mararu asogoreliwa na Ruben, agamwalaga afwarela mahimo a Judá, Isakar na Zebulau. (Oleb 2:10-16; 10:14-20) Mahimo aba alabihedhile masasanyedho akene mudhidhi waperekani mivahodhawa siku nafuguliwa musana.—Oleb 7:1, 2, 10-47.
w04 1/8 25 ddima 1
Otapuleliwa wa Nivuru na Olebeliwa
8:25, 26. Wila mabasa attomeliwe Alevita edde na mukalelo wofwanyelela vina atanalelaga vyaka dhawa, nahigwihiwa nalmulo nawi alobwana otene owunuwelavo arome attiye mabasaya. Mbwenye yanwodheya awene ovivelela wila akamihedhe Alevita ena. Masaka abano, anamalaleya Omwene ounuwelavo masiki ahittiyiwaga mabasawa, eji enonisunziha elobo ya ttima. Akala mukristu wowunuwelavo kanwodha okosa mabasa akosiye, enowodheya okosa mabasa anwodhiye.
Nipepese Mafumo Omuyani
it-3 328
Muttaji, Woroma Obaliwa
Masiki eziweyaga wila attaji a alobwana a ana Izrayel, bagakalile makolo a zizana, awene ansogorela nlogo notene. Yehova wahikuwela nlogo notene ninga ‘muttaji’ waye, nikalaga nlogo naye n’ottaji modhela nipagano nakosiliye na Abrahamu. (Obud 4:22) Sabwa ya obarela egumi yawa, Yehova wahikokomeha wi aleveliwe iyene ‘anataji otene alobwana vina a vinama dhapogo’. (Obud 13:2) Nona, ana attaji otene alobwana aveleliwa Mulugu.
8-14 YA MARSU
MAFUMO A MAZU A MULUGU | OLEBELIWA 9-10
“Yehova Oneddiha Dhavi Nikuru Naye”
it-1 39 ddima 6
Misasa
Mizé oleba mazina a vilabo mwattimurani na mwasamani (Mwari mwa Misasa esi dhinoromoliwa dhowakwana 40 va nivuru na Obudduwa 33) eji yanziddiyeliha masasanyedho aderetu akosiwa. Murabo ogemela vadhulu va musagala kadhowa osogoro. Muraboya ogasusavo musasaya vina wansusiyiwavo. ‘Akadda Izrayel ansama n’oruma wa Yehova, anttimura n’oruma wa Yehova.’ (Oleb 9:15-23) Ana Izrayel a addeliwa malamulo a Yehova aloga wi anfwanyela osasanyedha paradha bili dha parata. (Oleb 10:2, 5, 6) Paradha ogobiwa na guru yali ezinddiyelo yottimurana. Dila yoroma epadduwile eji yali ‘yaka ya nawili [1512 KRISTU AHINABALIWA], mweri wa nawili ya labo makumeli.’ Asogoreliwaga na yobo ya nipagano, mahimo mararu asogoreliwa na Juda, na nihimo nina nafwarela nasogoreliwa na Isakar vina na nihimo nina nasogoroliwa na Zabulau, ahittimura. Anfwareliwa na nihimu na akadda Jersoni vina na akadda Merari, attebaga vipano dha musana dhattomeliwani. Vasogorova anfwareliwa na mahimo mararu asogoreliwa na Rúben, Simiau vina Gad. Munddunimwawa anfwareliwa na akadda Koat attebile yobo ya leveliwe Yehova, munddunimwa nanfwanya nihimo na neuraru a mahimo mararu, nihimo na Efraim nafwareliwa na nihimo na Manassé vina Benjamim. Omamalelowa nanfwanyeya nihimu nasogoreliwa na Dan, wakamihedhiwa na Aser vina na Naftali. Makuru meli anetxa attu vina ana ewodhelo battomeliwe weddiha vina osogorela.—Oleb 10:11-28.
w11 15/4 4-5
Weyo Onozinddiyela Nlada na Yehova Nuweddihaga?
Ninatonyihedhe dhavi wila ninottittimiha weddihiwa na Yehova? Murumiwi Paulu ohiloga: ‘Mwakurumuwele, mwarumele asogorheli a mutugumano.’ (Aheb. 13:17) Masaka mena enorutxa wiwelela. Motagiha: Kavibuwele buli mwizrayel nsaka na Mizé, Kobuwela bumalile okosa oleddo mudhidhi mwinjene, ogamala muraboya wimela vadhulu va musagala. Venevo weyo ovivuza: Muraboya onemele mudhidhi ngasi? Labo nimodha? Sumana mmodha? Obe onele ottukula myieri? ‘Dditatule dhobodhaga dhotene?’ Vamaromo, txino weyo onburutxa dhilobo esile dhinfuniwe olabihedha momaguva. Mbwenye agavira malabo mang’onovi weyo oroma otatula dhobo dhotene. Ogamala otatula dhobodha vina osasanyedha, muruboya oroma osusavo—venevo vanofuneya omaga wili dhobodhawo wila murome okosa oleddo! Eji yali elobo yorutxa vaddiddi, mbwenye masiki dhawene ana Izrayel anfwanyela ‘ottimura momaguva.’—Oleb. 9:17-22.
Kito iyo, ninkala dhavi nigakela malago a Yehova? Ninovilibihedha ovirihamo ‘momaguva’? Obe ninele okosavi dhilobo ninga mwakoselihu? Onoziwa malago otene ninga mukalelo wa weddiha masunzo a Bibilia, walaleya anawedda ali mmuruddani mwehu, okosaga webedha wa ntakulu, orumelela mashagiho annivaha Abali anlaba Mumodhani na Masipitale vina okana merelo aderetu ogakala vamatugumanoni a ttattamwa? Mukalelo mwina wa woniha matamalo sabwa ya weddihiwa na Yehova bwa orumela malago aye. Nigafunaga ogana okosa elobo yattima mwigumini mwehu, kaninlabihedha eziwelo yehu mbwenye ninlabihedha malago annivaha Yehova vamodha na nikuru naye. Dhawene ninga mwana ontamela nibarelo na amambali aye agagumanagana dhorutxa, iyo vina ninotamela nibarelo munikuruni na Yehova, nigafwanyiwa dhorutxa.
Nipepese Mafumo Omuyani
it-1 253 ddima 5
Matugumano a Murudda
Ttima Ena Matugumano. Gari ya opurelamo kakamwe mahala anivahile Yehova a otugumana, wila nihodhe oliba epaddi ya omuyani, anotaganyihiwa na mattanga a Paskwa. Mulobwana wokoddela, wahali mu oleddoni, wakodda omukoya Paskwa, wanfwanyela opiwa. (Oleb 9:9-14) Mwene Ezekiya vawaddeliye nlogo na Juda vina Izrayel mwaha wa mattanga a Paskwa, wavuwihile muselu obu: ‘Nyuwo akadda Izrayel, eyelelani wa Yehova . . . Kamukale attu a wuma murima ninga yirile makolo enyu, mususelení Yehova, eyelani nipagano na iyene, dhahunoní mmusanani mwaye, ovikoddelihedhé iyene. Mwimelelení Yehova Mulugu wenyu, iyene kanasilizeye na nyuwo, nyuwo mugamurugunutxedha murima Yehova, abale àtxedhile amudhenyu na aninyu, anere wawirela ttagaraga, anere wawihedhiha mmpuno mwilaboni mwawa, sabwani Nabuya Mulugu wenyu, ddwanttebwa, ddwattagaraga, kanapwaza abale anaroromela.’ (2Map 30:6-9) Na ofuna waye, muttu agahiviyonihe vamentoni va Yehova, yatonyihedha wila omunyanyala Mulugu waye. Masiki a Kristu a masaka abano, ahitugumanelaga mattanga ninga a Paskwa, Murumiwi ohakokomedha ohittiya otugumana na nlogo na Mulugu, wahiloga dhahi: ‘Nubuwelanege wi nilibihe okwela, ottidda mabasa a pama. Kanitxelel matugumano ehu, ninga eniraga ena; nilibihanege ttabwa-ttabwa apa vanziwehu wi siku na Nabuya nli vakuvi.’—Aheb 10:24, 25; koona CONGREGAÇÃO.
15-21 YA MARSU
MAFUMO A MAZU A MULUGU | OLEBELIWA 11-12
“Ekalele eni Yabure Onog’ona?”
w01 15/6 17 ddima 20
Kanikale Anamewa Ahinvirihamo
20 A kristu enjene anowiwelela malamulo a orabela mararuwo. Nona jofuneya okala txenjewa wila ninadhe omottela vamuregani wa onog’onaga, eganittukulelile ohirumeliwa vamentoni va Yehova. Murumiwi Paulo ononaddela wi: ‘Muhimulige Yehova dhawene ninga yirile ena adhile okwa na olumiwa wa nowa. Kamwabe ninga yabilemo ena adhile otolotxiwa na anju.’ (1 Korinto 10:9, 10) Ana Izrayel anog’ona mwaha wa Mizé na Aroni—ndde, ahifiyedha omunog’onela Mulugu—alogelaga maná wahavahile Yehova. (Olebeliwa 16:41; 21:5) Kodi Yehova wahisiliziwa venji sabwa ya onog’ona wawa opitta mararuwo akosilani? Bibilia onowoniha wi aliba onog’ona enjene ahikwa na nowa. (Olebeliwa 21:6) Nsaka na mundduni, aliba onog’ono owakwana 14.700 ahitolotxiwa. (Olebeliwa 16:49) Txibarene, nihiwehe ovilela wa Yehova modhela ohittittimiha mahala aye.
w06 15/7 15 ddima 7
‘Karabela Onog’ona’
7 Ahoneya matxinjo menjene mu nlogo na ana Izrayel! Vafuruliwani mu Ejipitu vina muwodhilani wabuwa mwinje wofila, awene ahimwibela Yehova jibo yomutamalelana. (Obudduwa 15:1-21) Sabwa ya wova wattiddiwani mwiddeddereni vina sabwa ya wawova akadda kana, ahidduwala omutamalela Mulugu, baroma waganyedha. Ottiya omutamalelavi Mulugu sabwa ya wafurula, awene annimugwihedha muladdu sabwa ya ovyiona wofugeleya wene. Na mukalelo obu, onog’ona wawa wazinddiyeliha wila kàttittimiha mahala a Yehova. Jijene yamuttukulele iyene ologa mazu aba: ‘Nlogo tti nowuma murima, ninattiye oddiloga bure mudhidhi gani?’—Olebeliwa 14:27; 21:5.
it-1 100 ddima 3
Ohiwanana
Onog’ona. Onog’ona onowobaniha vina onosilidha. Ana Izrayel mufuruliwani mu Ejipitu, ahimuloga bure Yehova, modhela osadduwela ottonga waye wasogereliwa na adhari aye Mizé na Aroni. (Obud 16:2, 7) Onog’ona wawa wahimuttukulela Mizé wobana, mpaka okumbira okwa. (Oleb 11:13-15) Onog’ona onodha omuttukulela namanog’onaya okwa. Mazu abure amulogela ana Izrayel Mizé, Yehova wahona ninga aloga bure ottonga waye. (Oleb 14:26-30) Enji ahidha okwa sabwa ya onog’ona wawa.
Nipepese Mafumo Omuyani
it-2 748
Maná
Otapuleliwa. Maná yali yoja ‘yotxena, yaladdana na mayele (coentro)’ yali ninga ‘murubi’, mukaleloyá wanladdana na maralala, ‘yaziva ninga mugoddo ogoddoliwe na wiyi’ obe ‘ninga mabolacha asasanyiwe na wiyi, ninga bolu nottapira nisasanyiwe na makura.’ Agamala otxiliwa, manaya wantterekiwa, obe dhansasanyiwa ninga mabolu ngamala wotxiwa.—Obud 16:23, 31; Oleb 11:7, 8.
22-28 YA MARSU
MAFUMO A MAZU A MULUGU | OLEBELIWA 13-14
“Nroromelo Ninanikamihedhe Dhavi Oliba Murima”
w06 1/10 16-17 ddima 5-6
Oliba Murima Modhela Ororomela vina Omova Mulugu
5 Anamaredha eli Josuwé na Kaleb, kawona mudhidhi wa ovolowa mwilaboni yopikireliwa. Awene ahiloga ‘Akadda kana ali ninga mikatte,’ ahenjedheha: ‘Kamwawove attu ankalamo. Amulugu awa akweya attawa. Yehova oli na iyo. Kamove.’ (Olebeliwa 14:9) Koddi Josuwé na Kaleb ali atadduwa mwaha wa okana njedhelo? Nne wene! Awene vamodha na nlogo notene ahimona Yehova àtotaga manyazo akadda Ejipitu vamodha na amulugu awa, modhela Milili Kumi. Vina ahimona Yehova ambwinihaga Faraó vamodha na anyakoddo aye omwinjeni wofila. (Masalmo 136:15) Enowoneya-wene wila wova wana anamaredha kumi vina ena aravihiwe kuwana mwaha. Na osiliziwa onddimuwa Yehova wahiloga: ‘Nlogo ntti ninaddiroromele mudhidhi gani, oku nonaga matikiniho aniremi vari vawa?’.—Olebeliwa 14:11.
6 Yehova wahizinddiyela kakamwe nipara na makaniya—mukalelo wotowa malago wonihile nlogo, ohizinddiyeliha wila atowiwa nroromelo. Nroromelo na oliba murima dhinedda mumodhani, nona murumiwi Joau baleba mwaha wa mparaje womuyani ogagumanilena milogo dha Akristu: ‘Mperhe opemberile elabo, nroromelo nehu.’ (1Joau 5:4) Masaka abano, na nroromelo noligana na Josuwé vina Kaleb enowodheya olaleyiwa muttaka wapama orugunuwa elabo yotene, na Anamoona a Yehova owakwana, amiliau 6 azombwe, abali owunuwelavo, abali ana egumi yoliba, ana egumi yodeba. Kawo mwiddani onwodha otximiha mabasa a anyakoddo aba oliba murima.—Roma 8:31.
Nipepese Mafumo Omuyani
it-1 644
Elabo Yavahile Mulugu Ana Izrayel
Elabo yavahiwe ana Izrayel na Mulugu, yali elabo yaderetu. Varumile Mizé anamaredha wila eddelele vina wone milima dhili mwilabonimwa, awene ahidhana figu, roma vina muringa mmodha munddimuwa wa uva, muringaya wattebiwe na alobwana eli! Masiki veyelani nowova, awene ahiloga Mwilaboni mwanirumilenyu, nahifiyamo; txibarene elaboyá jawandela, mudhala mukaka na wiyi.’—Oleb 13:23, 27.
29 YA MARSU–4 YA ABRILI
MAFUMO A MAZU A MULUGU | OLEBELIWA 15-16
“Porhe-Porhe na Ovittukulela vina Ovikuluveletxa”
w11 15/9 27 ddima 12
Yehova Onouziwa?
12 Mudhidhi wakosela oleddo ana Izrayel mwilaboni Yopikireliwa, Korá waubuwela wila masasanyedho akosile Mulugu kàli deretu. Venevo muttitti wowakwana 250 wa alobwana woriheya ahivitaganyiha na iyene na efunelo ya okosa matxinjo mwari mwa masasanyedho a Mulugu. Korá na alobwana ena obuwela wila mandano awa na Yehova alivi oliba. Awene ahimwaddela Mizé na Aroni: ‘Nilemana nyuwo! Akadda nlogo notene anomukoddelela Yehova; Yehova onkala vari vawa.’ (Oleb. 16:1-3) Oku ovikuluveletxa vina ovittukulela! Mizé ologa dhahi: ‘Yehova onomuziwiha oli waye.’ (Kengesa Olebeliwa 16:5.) Mangwaninimwa na txiguwo Korá na etene amusadduwelile Yehova ahimala okwa.—Oleb. 16:31-35.
w11 15/9 27 ddima 11
Yehova Onouziwa?
11 Mizé na Korá dhotagiha dhottiyana enlagiha wila ninofwanyela oriha masasanyedho a Yehova vina orumela dhoruma dhaye. Mweddelo wawa ohimukamihedha Yehova wona mukalelo wafwanyelani waweddiha. Korá wali wa nihimu na akadda koat wahikana ettomo dhottiyana-ttiyana. Awene aimona Yehova avunaga nlogo naye Mmunje Yofila, akamihedhaga ottongiwa wa ana izrayel ahimwiwelele Yehova vina akamihedha otteba yobo ya nipagano. (Obud. 32:26-29; Oleb. 3:30, 31) Iyene wali oweddeyana na Yehova mwari mwa vyaka dhinjene, nona attu enjene amwizrayeli annimuriha.
Nipepese Mafumo Omuyani
w98 1/9 20 ddima 1-2
Kavaha Ttima Dhili Dhamaka-maka!
Yehova wannona na muladdu munddimuwa makaniya aba. ‘Nsaka nttile’ ‘Yehova ologa na Mizé: ‘Muttu oddo okana muladu onimutotela opiwa.’ ’ (Olebeliwa 15:35) Yehova osilidheyileni na dhokosa dha alobwana aba?
Mwari mwa malabo matanu na nimodha nlogo nanfwanyela oddodda kuni vina osasanyedha oja, dhofuna dhawa, osasanyedha guwo vina vokala. Labo naneutanu na meli anfwanyela ozuzumela dhilobo dhomuyani. Oddodda kuni kiyali yaburhe mbwenye oddodda kuni siku nileveliwe omwebedha Yehova yali elobo yabure. Masiki Akristu ahilabihedhaga Malamulo a Mizé nsaka ntti, nipadduwo ntti ninonisunziha oziwa txini enfwanyelihu wika vamburoni voroma, kahiye mwenemo?—Filipi 1:10.
5-11 YA ABRILI
MAFUMO A MAZU A MULUGU | OLEBELIWA 17-19
“Miyo . . . Ddinele Wukalelani Nddebe”
w11 15/9 13 ddima 9
Onomukosa Yehova Nddebe Nawo?
9 Kawawubuwele akadda Levi ahigaweliwe nddebe wila akalegemo. Sabwa ya wika webedha webaribari vamburoni voroma, awene anfwanyela okuluvela wila Yehova agahavaha dhoja wila awodhe okalawo, iyene wahawaddela: ‘Nddebe nawo ddi miyo.’ (Oleb. 18:20) Masiki nihikamihedhaga mumparani ninga mwakosela anamakutta vina akadda Levi, enowodheya otagiha nroromelo nawa vina okuluvela wila Yehova onele onisapela. Nikuluvelo nehu nawi Yehova onele onikoya ttofuneya wunuwihavi ttabwa-ttabwa masiku aba omariha.—Ovuh. 13:17.
w11 15/9 7 ddima 4
Yehova Nddebe Naga
4 Ettomo eji yavahiwani yatapulela eni mwa Alevita? Yehova wahawaddela wila wahakalela nddebe nawa namukalelo wawi oottiya wavaha maddebe wila amagemo, ahikuluvelihiwa mabasa attima enddimuwa. Nddebe nawa newanana na ‘okala anamakutta a Yehova’. (Jos. 18:7) Mazu anfwanyeya va Olebeliwa 18:20 na maversikulu mena anowoniha wi eji kiyatapulela wila awene agahikala ayelegi. (Kengesa Olebeliwa 18:19, 21, 24.) Mwa akadda Levi ‘agahivahiwa nèkumi wa vilo dhotene dhinpura ana Izrayel, dhikale nlivo na mabasa anttiddani mmusagalani mogumana.’ Awene aganakela nèkumi dhigapura ana Izrayel na wunuwa wa muttengo wa vinama dhawa. Akadda Levi vina anfwanyela osoka nèkumi mwa dhilobo esile dhakelani ‘dhattimadha’, wila akamihedhe onamakutta. (Oleb. 18:25-29) Anamakutta vina anvahiwa ‘nvaho waperekeliwa Yehova’ obuwene wattukula ana Izrayel wi amperekela Yehova mumburoni wowebedhamo. Nona attu akosa epaddi ya anamakutta, ankana mwaha waderetu worumela wila Yehova agahavaha dhafunani.
Nipepese Mafumo Omuyani
g02-T 8/6 14 ddima 2
Mwinyu—Elobo ya Ttima
Mwinyu wahidha ozinddiyeliwa na estabilidade vina ogonela. Nona mBibiliani, nipagano nagonela nankuweliwa ninga ‘nipagano na mwinyu,’ dhipaddi dhakosa nipaganona anja oja na mwinyu, wila alibihe nipaganona. (Olebeliwa 18:19) Nlamulo na Mizé nankokomeza wila mukutto wafuna operekiwa vebuwani wanfwanyela wikiwa mwinyu, mohaganyedha wekiwa wila yonihe wi mukuttoya kuvuddile obe kahiyo wa manyigalo.
12-18 YA ABRILI
MAFUMO A MAZU A MULUGU | OLEBELIWA 20-21
“Kakala Wokurumuwa Masiki Ogaligiwa”
Mukurumuwe wila Yehova Agalale na Nyuwo
19 Nigakala attu okurumuwa kaninavonyetxe. Karoma omubuwela Mizé. Mwa vyaka dhinjidhene wali muttu wokurumuwa vina animwagalaliha Yehova. Mbwenye vaniye vyaka dhowakwana 40 Mizé wahittiya okala wokurumuwa. Murogoraye wavunile egumi yaye Mwejipito, wahikwa wekiwa elabo ya Kades. Mudhidhi mwina ana Izrayel animupambiha Mizé alogaga wila anjombeliwa dhilobo. Mudhidhi obu “nlogo nimunyanyuwela Mizé” niraga, nivaheni manje omwa. Masiki vawonani mattikiniho akosa Mizé na nikamihedho na Yehova, vina Mizé wanivilibihedha wi akale musogoreli wapama awene ampambihavi. Awene kapambiha mwaha wa manje bahi, animupambiha Mizé okalaga ninga nttonana ototile ddiyene.—Oleb. 20:1-5, 9-11.
Mukurumuwe wila Yehova Agalale na Nyuwo
20 Mizé wahisilidhiwa vaddiddi barimeliwa okurumuwa waye. Ottiya ologa na mwango ninga mwalogile Yehova, wanyanyuwela nlogo bafiyedha ologa wila nttikiniho nttile akosa ddiyene. Wattukula mwiri bavadda mwango dila bili mmwangoni bamubudduwa manje gwé. Ovittukulela na owali ohimuttukulela Mizé okosa yoddawa yowopiha. (Masal. 106:32, 33) Mwaha wa orimeliwa okurumuwa mwa mudhidhi mung’onovi Mizé wahiyelela gari yovolowa Elabo Yolibeleliwa.—Oleb. 20:12.
21 Empadduweli Mizé enonisunziha elobo. Yoroma, nivilibidhedhege mudhidhi wotene okala attu okurumuwa. Akala ninottiya okurumuwa mudhidhi mung’onovi ninofiyedha okosa obe ologa elobo yohifanyelela. Yanawili, odhugudheya onowobaniha okurumuwa, nona masiki nigadideliwaga wi nittiye okurumuwa wehu nihirumele nivilibihedhege odhowanavi okurumuwawa.
w09 1/9 19 ddima 5
Namattonga Onkamihedha Dhilobo Dhili Dhaderetu
Voroma, Mulugu kàmurumile Mizé wila aloge na nlogo nne vina wakuwela avuru-vuru. Yanawili, Mizé na Aroni kamuttittimihile Mulugu. Yehova wahiloga: ‘Nyuwo . . . kamuddittimihile.’ (Versu 12) Mudhidhi walogilani: ‘Apa iyo ninere owodha obuddutxa manje,’ Mizé ologile ninga ddi iyene na Aroni agakosile mattikinihoya a obuddutxa manje, ottiya Mulugu. Yaneraru, muttongelo ottongiwe muladdu wawa wanniwanana na mukalelo wattonga Mulugu miladdu dhina. Mulugu kàrumeliha avuru-vuru ovolowa mwilaboni Yopikireliwa, nona baakosela Mizé na Aroni. (Olebeliwa 14:22, 23) Yanonayi, Mizé na Aroni basogorela nlogo na ana Izrayel. Mudhidhi onkana muttu dhittomo, Mulugu onomujedhelana wila awunuwihe mikalalelo dhapama.—Luka 12:48.
Nipepese Mafumo Omuyani
w14 15/6 26 ddima 12
Weyo Onowona Wobana wa Attu Dhawene Ninga Munonela Yehova?
12 Mwari mwa mapadduwo aba, Yehova kofuna agahimutolotxa Aroni momaguva. Mbwenye iyene wannonelamo wi Aroni kahiyo muttu wabure obe kanetxa muladdu, enoneya ninga Aroni wela ottiddiwa wova obe olovittiya okokomeziwa na attu ena. Mbwenye mutanaliliye dhovonya dhaye, iyene kakoddile vina wahirumela ottongiwa na Yehova. (Obud. 32:26; Oleb. 12:11; 20:23-27) Yehova watanaleletxa nroromelo vina otxinuwa wa Aroni. Vyaka dhana dhamusogoro, Aroni na ziza naye anziwiwa ninga attu amova Yehova.—Masal. 115:10-12; 135:19, 20.
19-25 YA ABRILI
MAFUMO A MAZU A MULUGU | OLEBELIWA 22-24
“Kahiyo Elobo Enanitximihe Wakela Mareliho Yehova”
bt 53 ddima 5
Olaleye “Miselu Dhapama Mwaha wa Yezu Kristu”
5 Dhawene ninga mwakoseliwa masaka oroma, Ofwara fwariwa wa nlogo na Mulugu, kinwodheya otximiha mabasa olaleya. Dila dhinjene dhinkokomeziwa Akristu omwalela vipaddi dhottiyana-ttiyana—obe ofugeliwa mukambura—onokamihedha olaleyiwa miselu dha Omwene mimburoza eso. Ninga motagiha nsaka yarabiwa Koddo yanawili ya Mulimau, Anamoona a Yehova amwalihedhiwe o kampu de concentrasau ya akadda Nazista ahalaleya attu enjene afwanyiwa mwenemwale. Muyuda mmodha waziwile Anamoona a Yehova mwenemwale, kuloga mu kampu ya koncentrasau ohiloga: “Guru ya olagiha merelo a pama yalagiha anamoona a Yehova, ehiddikamihedha orumela wila nroromelo nawa nazela mBibiliani—miyene vina dditamela okana nroromelo nakene.”
it-2 717
Ottamaga Musoro
Ottamaga Musoro Sabwa ya Omusadduwela Yehova. Namavuhulela Balaau wafuna àgwihedhe ntowa ana Izrayel sabwani wafuna avahiwe kobiri na Mwene Balak wa nlogo na akadda moab, mbwenye Yehova wahitximiha guru dhotene dhakosani. Murumiwi oleba dhahi mwaha wa Balaau, ‘Osogorowa obure waye olagiwa na buru yamukolo, yáloga ninga muttu. Dhahene otaduwa, yáfuna wira namavuhulela oddu, obareleya.’ Addanaga ottamaga musoro wa namavuhulela Balaau, murumiwi Paulo ohilabihedha mazu aba a egregu pa·ra·fro·ní·a, awoniha wi muttuya ‘wahitaduwa.’—2Ped 2:15, 16; Olebeliwa 22:26-31.
Nipepese Mafumo Omuyani
w04 1/8 27 ddima 2
Otapuleliwa wa Nivuru na Olebeliwa
22:20-22—Yehova wasilidheliweni na Balaau? Yehova wahimwaddela namavuhulela Balaau wila anàgwihedhe ntowa ana Izrayel. (Olebeliwa 22:12) Mbwenye namavuhulelaya wahirumela odhowa na alobwana a Balak wila àgwihedhe ntowa ana Izrayel. Balaau wafuna amwagalalihe mwene wa akadda moabe vina attambire kobiri. (2 Pedro 2:15, 16; Juda 11) Masiki vakokomeziwe Balaau wareliha ana Izrayel ottiya wagwihedha ntowa, iyene wahitamela orumeliwa vamentoni va mwene modhela onvaha malago awi alabihedhe ayana amwebedha Baal wila ànyengette alobwana a mu Izrayel. (Olebeliwa 31:15, 16) Eji yahimuttukulela Yehova osiliziwa venjene na mulobwana oddu.
26 YA ABRILI–2 YA MAYU
MAFUMO A MAZU A MULUGU | OLEBELIWA 25-26
“Enowodheya Muttu Mmodha Wakamihedha Attu Enji?”
“Muttawe Ojeberuwa!”
NAMATTADDA onoziwa vego vankala oba. Iyene onosakula ng’ambo enjela deretu, onowika wimezoni agamala bavokela mmanjeni. Onofwaseya ajedhaga wi oba ettidde emezoya, agoona wi enojela, iyene onoweta mukasu nanda onomaga obaya.
2 Yakene enopadduwa na attu. Koona yotagiha ya ana Izrayel, afunaga ovolowa Mwilaboni Yolibeliwa, awene ahiroma osama waddamana murudda wa akadda Moabe. Mwene wa Moabe wahimugula fumu watxemerhiwa Balaau na kobiri dhinjene wi aavoreye akadda Izrayel. Vowi Balaau kawodhile wakosa elobo yabure, iyene wahubuwela elobo yina egatotile ovoreyeya. Iyene wahalabihedha ayana a akadda Moabe ninga ng’ambo. Awene ahidhowa apale vasamile ana Izrayel nanda ahanyengetta alobwana wi akosena mararuwo.—Olebeliwa 22:1-7; 31:15, 16; Ovuhulela 2:14.
“Muttawe Ojeberuwa!”
4 Ana Izrayel enjene attegele eni? Sabwa yawi ahimudduwala Yehova na esile dhawireliye, obuweletxa dhifunelo dhawa dhomaningoni. Ana Izrayel kafwanyelela ottiya omwiwelela Mulugu. Yehova wahafurula mudharini na akadda Ejipitu, kakwile na dala mwiddeddereni, ovano afuna ovolowa mwilaboni yolibeliwa. (Ahebreu 3:12) Masiki dhawene awene ahikwekwetteyeleya okosa mararuwo. Murumiwi Paulo ohileba wi: “Kanivilevele dhojeberuwa nifwaraga dhirile enayámo, avitotelena okwa.”—1 Korinto 10:8.
Nipepese Mafumo Omuyani
it-3 694-695
Maddebe
Enoneya ninga dhantanaleliwa dhilobo bili ahinatti ogaweliwa maddebe mahimo aba: annombeza gari vina antanalela muttengo wa attu a nihimona. Gariza dhazinddiyeliha epaddi yafwanyeya nddebe ninakele nihimo-nihimo, eji yankamihedha ozinddiyela epaddi enfwanyeya nddebena, ninga Omazulu (N), Ogusuni (S), Omazelo wa nzuwa (L), Omaddowelo wa nzuwa (O), ao longo da planície costeira, obe dhipaddi dhafwanyeyetxa myiango. Maddebeya agawiwa mowiwanana na gari dharayila Yehova, eji yanakamihedha ohikana aje obe owanela maddebe vowi yakala ninga wagawa ddi Yehova-wene. (Gano 16:33) Mulugu wanlabihedha marhe aba vina wila eddihena makani a nihimo nimodha-nimodha, wila malogo otene awodhe okalawo mowiwanana na mavuhulo alebiwe mBibiliani, alebiwe na Jakob afunaga-wene okwa anfwanyeya va Wita 49:1-33.
Gariza dharayiliwa dhigazinddiyeliha mburo wafwanyela okala nihimo nimodha, yanfuneya opima maddileya alabihedhaga mwaha wanawili wafwanyela otanaleliwa mudhidhi wogawa maddebe: muttengo wa attu a nihimona. ‘Elaboyá munere mombezelaga gari engwela nihimo-nihimo. Nihimo ninjivanile, nivahiwe epaddi enddimuwa; nihimo niyevile nivahiwe epaddi eng’ono. Nihimo-nihimo nakelege epaddi yagwele mugarini. Ogawelana oku ofwarege maziza enyu, mabelenyu.’ (Oleb 33:54) Gari kozinddiyeliha epaddi enfwanyela okala nihimo nimodha, yogana eji yanlabavi, mbwneyi yanwodheya okosa matxinjo mwaha wa munuwelo wa nddebena. Nona voneyile wi nddebe na nihimo na Juda nahunuwa bure, nahigwaddiwa epaddi mmodha nihimo na Simiau.—Jos 19:9.