Yotagiha

Waweddela Ttagaraga Attu Otene

Siku nimodha, murogora onkala o Nova Zelândia wahona vidiyu “Cuidem Uns dos Outros,” mu saiti jw.org. Vidiyu eji ehitapulela wi Yehova onowaweddela ttagaraga attu otene vina onowakamihedha. (Iza. 63:​7-9) Mwa venevo murogora oddu wahigana ovirihamo ejile yasunziliye vina otamela marhe a waweddela ttagaraga attu ena. Vasogorhova labonene nttile, adhowaga muloja wahinfwanya muyana dhahi murampani, murogora oddule wahigana omugulela yoja. Muyanaya wahirumela. Mudhileyena yoja wahipura gari ejile wi amulaleye, na folhetu Goi Enele Ogoma?

Muyanaya wahiroma olila vina wahimutapulelamo wi iyene waleliwe ninga Munamoona wa Yehova mbwenyi wahinyanyala ebaribari mwa vyaka dhinjidhene. Ottiya ejo, malabo mang’onovi mundduni wanimulobelela Yehova amukumbirhaga nikamihedho wi amwiyelele. Murogora oddule wahinvaha Bibilia vina yahilagana oroma nsunzo na Bibilia.a

Dhahene ninga Yehova enowodheya iyo vina waweddela ttagaraga attu otene, otaganyiha na amudhihu vina abali na arogora. Ottiya ejo ninotamela marhe a waweddela ttagaraga attu ena modhela wawaddela sabwa ya Yehova.