Kutunga cha Mutolo ni Sambukila Hano Hashi!

Kamukanda kano kanakapwa kulinga, hanga ukukwase kuningika iya yoze watangile hashi ni yuma yeswe yize yatwamamo. Munyingika nawa ngwo Zambi watangile hashi kali ni jina. Mutukulumbunwina mumu liaka Zambi watangile mutu ni kuchi yena muhasa kutwama ni kuwahilila ku mwono wamutolo.

Muchima lia mukanda uno muli yizulie yinji muyihasa ku kukwasa kunyingika yuma kanawa. Mba ni unazange unyingike chinji ndo utange tupitulu ni versikulu anasoneka mu Mbimbiliya. Muze hiwatanga mwiva yuma yize yipema Zambi analakenha mu Mbimbiliya. Nyi yika yize Zambi anambe yena watamba kulinga, hanga wukatambule yilakenho.

Auno mukanda muhasa kukwasa nawo akwenu kunyingika sango jipema. Chipwe uli ni ana muhasa kwakwasa anyingike shimbi ja Zambi. Ni watwama mu chifuchi chimwe muze muli atu anji kanyingikine kutanga, ndo walweze yizulie yili amu hanga wakwase kunyingika kanawa yilakenho ya Zambi ni ayo mba akakwase akwo nawa.

Tunashimbwila ni umwenemwene ngwo ulongeso uno ukukwase kutambula yiwape yinji, ni nawa chatamba kulweka akwenu kuchi chize makatunga ku mwono wamutolo ni sambukila hano hashi.