Iya te Yesu?

Yehova yatuma Yesu hano hashi. 1 Yoano 4:9

Nyi tunazange kuwahilila Yehova, ndo tupanjike nawa umwe mutu wa ushindakenyo. Muze te Alama kanda achimutanga, Yehova mwilu watangile umwe mutu wa spiritu ni ndundo.

Kulutwe lia matangwa Yehova yatuma mutu wacho mujimo lia umwe virgem jina lienyi Maria hanga akasemukine ku Mbeteleme. Mwana wacho ya muluka jina ngwo Yesu.—Yoano 6:38.

Muze apwile hano hashi, ngwe mutu wa musunya, Yesu yasolola ndako jipema ngwe jize akwete Zambi. Iye te vumbi akwete, mukwa zango, atu te kakuheta kuli iye. Ni hamu linji yalongesa umwenemwene wa Yehova kuli atu.

Yesu te yuma yipema akulinga alioze, chipululu anakamuvwila. 1 Petulu 2:21-24

Amwe miata ja mangeleja yevwila kole Yesu, mumu te kakulongesa atu ngwo, longeso lio lia mahuza nawa te kakulinga yuma ya luchisa.

Miata ja mangeleja yakatwisa akwa Roma hanga alambe Yesu ni kumushiha.

Yesu nawa kanakauka atu waze te ayiza, yahindwisa ni mwono amwe waze te hanafwu.