Kuchi Yena Muhasa Kupwa ni Uwahililo ku Mwono wa Usoko we?

Zango lie liakuneha uwahililo ku usoko. A-Efwesu 5:33

Zambi kanambe ngwenyi, Lunga ndo alinge umbachiso ni pwo umuwika, pwo neye ndo alimbate ni lunga umuwika.

Lunga mukwa zango kakufunga kanawa mukwo pwo ni kumupanjika muze yiye anahanjika.

Pwo neye ndo akwase mukwo lunga.

Ana noo ndo ononokene kuli yisemi jo.

Pwako chimbovu ni kushishika, mbila utenu ni mahuza. A-Kolosu 3:5, 8-10

Liji lia Zambi linambe ngwo, lunga ndo azange mukwo-pwo- chizechene ngwe anazange mujimba wenyi ni pwo neye apwe ni vumbi kuli mukwo-lunga.

Kulipomba ni yoze kuwalimbachile nenyi chili uvulumunyi. Kuhalika necho chili uhenge.

Liji lia Yehova linalongesa usoko hanga apwe ni uwahililo.