Sango Jipema Yika?

1. Sango Jipema ja Kuli Zambi Yika?

Zambi kanazange hanga atu awahilile ku mwono wo hano hashi. Iye watangile hashi ni yuma yeswe ize yiliho mumu kakuzanga atu. Kwasala hakehe iye maneha mwono upema kuli atu eswe hano hashi. Nawa Yehova makachiza lamba lieswe hano hashi.​—Tanga Jeremia 29:11.

kushi niumwe wanangana wa atu hano hashi muuhasa kumanyisa ungulungulu, yikola hanji ufwe. Alioze sango jipema kujili! Kwasala hakehe Zambi achize mawanangana ja atu hanga asalakanyise wanangana wenyi. Wanangana uno muukaneha chiseke ni sambukila ni kutwama chipema hano hashi.​—Tanga Izaia 25:8; 33:24; Daniele 2:44.

2. Mumu liaka ndo kwambujola sango jipema ni kawashi?

Lamba mulikahwa muze Zambi makachiza yingulungulu eswe hano hashi. (Zefania 2:3) Ha mashimbu aka mulikahwa? Liji lia Zambi hilinambe yuma yeswe yipi ize yinapinjisa atu ha matangwa wano. Yuma yeswe yipi, yinasolola ngwo tangwa lia Zambi hiliakundama hanga ayichize.​—Tanga 2 Timoteu 3:1-5.

3. Yika yetwe chatamba kulinga?

Yetwe chatamba kulilongesa Mbimbiliya hanga tunyingike Zambi. Mumu Mbimbiliya yili ngwe umwe mukanda wa tata wa zango kuli ana jenyi. Yinatulweze chize mutuwahilila ni mwono upema hapwila ni chize mutukawahilila ni mwono wa mutolo hano hashi. Chamwenemwene, amwe keshi kuzanga hanga yena ulilongese Mbimbiliya. Alioze kanda wecha niumwe apinjise uhashi we wa mwono wa mutolo.—Tanga Yishima 29:25; Usolwelo 14:6, 7.