Yehova Kechi Kwehuka Mbunge Yize Yamakuka

Masamu 51 kamusonekene kuli Ndawichi muze te hamutoweza kuli Natane ha shili yize alingile ni Bate-Shipa. Ndawichi yalinyenga ha shili yacho, nawa yalipalumwisa ni kulikonyeka.—2Sa 12:1-14.

Ndawichi kavulumwine, alioze kapwile ni uhashi wakufuna kuli Zambi

51:3, 4, 8-12, 17

• Mbunge yenyi yapwile ni kumupinjisa muze te kanda alikonyeka ni kutayiza milonga yenyi

• Yikola evwile ku mbunge hakwehuka Zambi yamulingishile evwe ngwe yifwaha yenyi yinapalwoka

• Chuma te anazange ukonekeno, kupemesa ufulielo wenyi, ni chiseke chize apwile nacho ku uputukilo

• Iye yalikehesa chinji ni kuliumba kuli Yehova hanga amukwase apwe ni mbunge yononoka

• Iye te kanafuliela ha ukonekeno wa Yehova