“Chize Zambi Hanunga . . . ”

Kulita ni Shimbi ja Mose lunga yoze te mafupa kulakula mukwo-pwo, te katamba kumwaha mukanda wa kulakula. Chino te chakukwasa atu achine kulilakula chakuhona chitela. Ha mashimbu ja Yesu, mangana a mangeleja te kakupwisa chashi hanga atu alilakule. Malunga te mahasa kulilakula ni amama jo ha chitela cheswacho. (nwtsty yikuma yakulilongesa ha Mar 10:4, 11) Yesu kasolwele ngwenyi, Yehova mwe walingile ulo. (Mar 10:2-12) Nawa ngwo lunga ni pwo kali “musunya umuwika” kashika, katamba kutwama ku miaka yeswe. Mu Yisoneko, kulita ni mukanda wa Mateu, chuma chize muchihasa kulingisa waze alimbata hanga alilakule chili wika, “utanji.”—Mat 19:9.

Musono, atu anji keshi kumona ulo ngwe chize Yesu te akuumona, alioze ngwe chize A-Fwariseu te akuumona. Kashika akulilakula kawashi muze akupwa ni yipikalo. Alioze akwa-Kristu waze alimbata, kakulemesa chinji ulo wo, nawa kakukumba yipikalo ha kukaula shimbi ja mu Mbimbiliya. Muze munutala chinema chinambe ngwo, Zango ni Vumbi Liakununga Usoko, kumbululenu yihula yino:

• 

  Kuchi muhasa kukaula mukanda wa Yishima 15:1 mu ulo we, nawa mumu liaka chili chilemu?

• Kuchi yena muhasa kwehuka yipikalo ha kukaula mukanda wa Yishima 19:11?

• Nyi nuli ni kapinda mu ulo wenu, shimbu unyonge ngwe, Twatamba kulilakula, yihula yika watamba kushimutwina?

• Kuchi kukaula mukanda wa Mateu 7:12 muchihasa kukukwasa kupwa lunga hanji pwo mupema?