“Mbilenu Tuzambi Eswe a Tundaka”

Yakomba kanyingikine ngwenyi, katamba kuwayila wika Yehova chipwe ngwe Yehova te kanda achihana shimbi ya kwecha kuwayila mahamba. (Kut 20:3-5) Hachino, muze Yehova amulwezele hanga afune ku Mbetele, Yakomba yalweza akwa-zuwo lienyi ni waze eswe apwile nenyi hanga ambile mahamba waze apwile no. Chocho, Yakomba yambila tuponya eswe, kuchingako ni yingeliengelie ya ku matwi yize te akuzachisa ngwe yuma ya munanyi. (Upu 35:1-4) Tuli ni shindakenyo ngwetu, Yehova kanakawahilila ha yize Yakomba alingile.

Kuchi mutuhasa kuwayila wika Yehova musono? Chuma chilemu chize twatamba kulinga chili, kwehuka yuma ya wanga hanji yipanda-panda. Chino chinachingi kumbila yuma yeswe yize yinatale ku ya yipanda-panda. Chikwo nawa, twatamba kunyonga kanawa shimbu kanda tuchisakula yiheho yetu. Lihule ngwe: ‘Shina nakutanga ni kutala yinema yize yakusolola yuma ya yipanda-panda ngwe vampiros, zumbis ni yuma yikwo nawa? Shina yiheho yami yakusolola ngwo, wanga, kushingana ni tufutafuta yili yuma yipema?’ Twatamba kwehuka hita chuma chize Yehova akwivwila lwaji.—Sam 97:10.

TALENU CHINEMA, “LIMIKENU NI NDIAPU,” MBA NUKUMBULULE YIHULA YINO:

• 

  Kapinda muka apwile nenyi Palesa umwe longi wa Mbimbiliya?

• 

  Mumu liaka twatamba kufupa ukwaso wa makulwana muze tunapinda ni yuma ya yipanda-panda?

• 

  Nyi tunazange hanga Yehova atufunge, yuma yika twatamba kumbila?

• Chiyulo chika Palesa akwachile?

• Kuze watwama, yika atu akulinga mba alifunge kuli andemoniu?