Shina Muhasa Kukalakala Ngwe Pionelu wa Shimbu Likehe ha Kakweji wa Março hanji Abril?

Shina unazange kulihana chinji mu mulimo wa Yehova ha mashimbu a Chiwanyino cha Kwiwuluka Kufwa cha Yesu? (2Ko 5:14, 15) Ha kakweji wa Março ni Abril, yoze mazanga kukalakala ngwe pionelu wa shimbu likehe mahana maola 30 hanji 50. Nyi muzanga kulinga mulimo uno walipwila, hanjika ni makulwana a mu Komite ya Mulimo ya Chikungulwila. Ha hita kakweji, mu chikungulwila mapwa ni kutwa mutambi ha kutongola majina ja mandumbu waze makalakala ngwe mapionelu a shimbu likehe. Nyi nwalinga chino, mandumbu mu chikungulwila mahasa kulihana hanga aakwase ha kutuhuka no mu munda. Kashika, yetwe eswe tusenu tachi hanga tukolese utotombo wetu mu mulimo wa kwambujola ni kulitakamisa umwe ni mukwo, ha mashimbu a Chiwanyino chino.—1Te 5:11.