Shina Wakufupa Kumbululo Lia Yilemba Ye?

Mu Mbimbiliya muli yilweza yinji yinasolola ngwo, Yehova kakukumbulula yilemba yetu. Muze tuvumbi twa Yehova akulemba, iye kakupanjika hita umwe wa kuli ayo, nawa kakwakwasa, chino chakukolesa ufulielo wo. Kashika, muze mutulemba, twatamba kwita yuma yize tunafupiwa ni kweseka kufupa kumbululo lia Yehova. Watamba kunyingika ngwe, kumbululo mulihasa kulisa hanji kuhiana yize weta. (2Ko 12:7-9; Efw 3:20) Yika Yehova mahasa kutwaha ha kukumbulula yize twakumwita?

• Mahasa kututakamisa ku mujimba, ku manyonga, hanji ku spiritu hanga tuhase kukumba kapinda.—Fwp 4:13

• Matwaha mana hanga tukwate yiyulo yipema.—Tia 1:5

• Matukwasa kupwa ni tachi ni zango lia kumulingila.—Fwp 2:13

• Matukwasa kulihumikiza muze tunalipikala.—Fwp 4:6, 7

• Mahasa kutukwasa kupalikila muli mandumbu jetu ni kututakamisa—1Yo 3:17, 18

• Mahasa kutukwasa kupalikila muli waze twakulembela.—Yi 12:5, 11

SOLOLA CHINEMA YEHOVA ‘KAKWIVWA KULEMBA,’ MBA NUKUMBULULE YIHULA YINO:

• Kuchi chilweza cha ndumbu Shimizu muchihasa kututakamisa nyi tunahongo mumu lia musongo?

• Kuchi mutuhasa kwimbulula chilweza cha ndumbu Shimizu?