12-18 MAIO

YISHIMA 13

Mwaso 34 ni Kulemba | Maliji Akuputuka No (1 min.)

YIKUMA YILEMU YA MU LIJI LIA ZAMBI

1. Kanda Utayiza Akwonge Kuli Yingulungulu

(10 min.)

Yingulungulu keshi ni kutalatala cha kulutwe lia matangwa (Yis 13:9; it-2 660 ¶6, 7)

Kanda ulikata ni atu waze akusolola yuma yipi ngwe yipema (Yis 13:20; w12 15/7 12 ¶3)

Yehova kakuwahisa mukwa-ululi (Yis 13:25; w04 15/7 31 ¶6)

Yizulie: Kalisa yoze uli hakachi ka yitanga ya waze keshi kuwayila Yehova ni waze akumuwayila. 1. Umwe lunga kanakina ni musenge wa walwa ku kwoko. 2. Mukwachako, iye kananu yitumbo mumu walwa wamuyijisa. 3. Mandumbu jetu a malunga ni a mapwo kanatwama hamuwika. Mandumbu wawane aali kakuzanga kwimba, kukina ni kulia hamuwika. 4. Mukwachako, ayo kanambujola. — Atu waze akukaula yuma ya hano hashi mahasa kusoloka ngwe kanawahilila, alioze hi chocho ko. Waze akulinga upale wa Yehova kakupwa ni uwahililo wamwenemwene.

2. Kuhengwola Yikuma Yilemu ya mu Mbimbiliya

(10 min.)

Yis 13:24—Yika versu yino yinatulongesa hakutwala ku kufumba ana? (it-1 117 ¶4)

Kumbululo
Yika walilongesa ha kutanga Mbimbiliya ha poso yino yize unazange kulianyina ni yetu?

Kumbululo

3. Kutanga Mbimbiliya

(4 min.) Yis 13:1-17 (th longeso 10)

LIKOLWEZE CHINJI MU MUNDA

4. Chize Muhasa Kuputuka Lusango

(3 min.) KWAMBUJOLA KU ZUWO NI ZUWO. Muze muhanjika ni mwenya-zuwo hakutwala ku yize yinalingiwa mu njiza yenu, musolwele chimwe chikuma cha mu Mbimbiliya chize iye mazanga. (lmd longeso 2 chikuma 5)

5. Chize Muhasa Kuputuka Lusango

(4 min.) KWAMBUJOLA CHA SUSUMUKU. Sanyika mutu hanga aye ku kukunguluka. (lmd longeso 2 chikuma 3)

6. Pande

(5 min.) lmd apendice A chikuma 9—Mutwe: Ana Waze Akuvumbika ni Kwononokena Yisemi Jo, Kakutwama Kanawa ku Mwono Wo. (th longeso 16)

MWONO WA AKWA-KRISTU

Mwaso 77

7. “Akwa Ululi Kali Ngwe Ndeya Yize Yakutemuka”

(8 min.) Shimutwina ni mbunga.

Mu Mbimbiliya muli yinyingi ni mana anji waze kutushi kuhasa kuwana mu mikanda yikwo. Muze twakukaula ku mwono wetu yize twakulilongesa mu Mbimbiliya, twakufumbuka ku mwono ni kupwa ni uwahililo wamwenemwene. Yuma yino atu a hano hashi keshi kuhasa kutwahayo.

Chizulie cha ha chinema, “Akwa-Hashi Keshi Kuhasa Kukwaha Yize Keshi Nayo.” Ndumbwetu wa pwo Gainanshina kanatwama hashi ni kutala mwilu.

Solola CHINEMA Akwa-Hashi Keshi Kuhasa Kukwaha Yize Keshi Nayo. Mba uhule mbunga chihula chino:

Kuchi chilweza cha ndumbu Gainanshina chasolola ngwe “ndeya ya akwa-ululi” yinahiane “ndeya” ya yingulungulu?—Yis 13:9

Kumbululo

Kanda ukisa mashimbu je ha kunyonga ha yuma yize te muhasa kuzuka hano hashi, hanji kuliseha mumu lia yiyulo yize wakwachile hanga ulingile Yehova. (1Yo 2:15-17) Shimbu uchilinge, lihulikile ha “ulemu wahiana wa chinyingi cha Kristu Yesu” chize walilongesele.—Fwp 3:8.