Kufunjeka Muchikukwasa Kwiuluka

Muchihasa kupwa ngwe ha mashimbu amwe, chakukukalila kwiuluka yuma yize wakulilongesa. Chino chakulingiwa kuli yetu eswe. Alioze, chakupwa chashi kwiuluka yilweza yize Yesu ahanjikile. Twakuhasa kumona yizulie ya yize alongesele, chino muchikutukwasa kwiuluka malongeso jenyi. Chizechene nawa, nyi ngwe unalilongesa, muhasa kwiuluka yize walilongesa nyi musa tachi hanga umone yuma yacho. Kuchi muhasa kuchilinga? Kufunjeka yizulie muchikukwasa.

Atu waze akufunjeka yuma yize analilongesa, kanji-kanji kakuhasa kuyiuluka. Kufunjeka yizulie chakukwasa kunyingika kanawa hi wika ko maliji, alioze ni yikuma yilemu yize unalilongesa. Yizulie yacho kuyafupiwile kupwa ya kukomwesa, alioze muyihasa kupwa ya maliji akehe nawa ashi. Kufunjeka yizulie chakukwasa, chipi-chipi tushinakaji hanga ewuluke yize analilongesa.

Ha chisuho chikwo muze mulilongesa, eseka kufunjeka yizulie ya yimwe yize walilongesa. Nyi wachilinga, mukomoka ha unji wa yuma yize muhasa kwiuluka.