Lulieka Mbunge Ye

Muze twakulilongesa Mbimbiliya, twakuzanga hanga yize tunalilongesa yikwate ku mbunge yetu ni kusongwela manyonga ni usolo wetu. Kashika, muchilita kwimbulula chilweza cha Ezera yoze ‘waliangile kululieka mbunge yenyi mba ahengwole shimbi ja Yehova.’ (Ezera 7:10) Kuchi muhasa kwimbulula Ezera?

Lemba. Muze unambe kulilongesa, chitangu lemba. Eta kuli Yehova akukwase kunyingika yize unalilongesa ni kuyikaula ku mwono we.—Samu 119:18, 34.

Likehese. Zambi hanasweke umwenemwene kuli atu waze akulizata ni kunyonga ngwo, kafupile ukwaso mba anyingike Mbimbiliya. (Luka 10:21) Watamba kwehuka kulilongesa ni nyonga lia kusolola kuli akwenu ngwo, unanyingika yuma yinji. Muze mumona yuma yize mwalumuna, watamba kulikehesa hanga uchilinge.

Panjika umwe mwaso wetu. Miaso yakukwata ku mbunge, yakutukwasa kulilongesa hanga tuwayile Zambi. Muze unambe kulilongesa, chitangu panjika umwe mwaso wa Wanangana, kulinga chino muchikukwasa kululieka mbunge ye.