Mwaso 49
Yehova Iye Uchinyino Wetu
(Samu 91)
Zambi chiswamo chetu
Kutwamufuliela.
Kali chihuhumuke
Twatamba kuswama.
Kumatupulula mumu
Kali mukwa-ndundo-jeswe.
Zambi mwe mbonge yetu
Muze twatamba kuswama.
2. Chipwe atu tununu
Kumalimbujoka.
Zambi kumatufunga
Nyi mutushishika.
Yipi kuyichi kahasa
Kukundama kuli yetu.
Mumu matufungila
Mu mapulwa ja Yehova.
3. Zambi kumatufunga
Ku tupela eswe.
Kutuchi kahukana
Chipwe kwivwa woma.
Mutukapwa ni kuliata
Hali ndumba ni ha fwiji.
Zambi chiswamo chetu,
Matufunga miaka yeswe.
(Tala nawa Sam 97:10; 121:3, 5; Iza 52:12.)