Wanangana wa Zambi Yika?

YIKA MBIMBILIYA YINAMBE

“Zambi ya mwilu makakolesa umwe wanangana uze kuuchi kanonga.”—Daniele 2:44.

“Kuli yetu hikwasemuka umwe kemba, chiyulo kumuchikapwa ha chipaya chenyi.”—Izaia 9:6.

KUCHI MALIJI WANO MAHASA KUKUKWASA

• Uli wanangana wa ululi uze muuhasa kukuyukisa.—Izaia 48:17, 18.

• Hashi haha, atu kumakapwa ni mwono ungunu hamwe ni uwahililo.—Usolwelo 21:3, 4.

SHINA MUTUHASA KUTAYIZA YIZE MBIMBILIYA YINAMBE?

Ewa, mutuhasa kuyitayiza hamukunda wa yitela yaali:

• Yesu kasolwele yuma yize wanangana wa Zambi muyikalinga. Yesu kalongesele tumbaji twenyi kulemba hanga Wanangana wa Zambi wize nawa hanga upale wenyi ulingiwe hano hashi. (Mateu 6:9, 10) Iye kasolwele nawa chize makakumbulula kulemba chacho.

  Muze Yesu apwile hano hashi, iye kalishile atu, kawukile mieji, nawa kahindwishile afu! (Mateu 15:29-38; Yoano 11:38-44) Yesu Mwanangana mu Wanangana wa Zambi, kasolwele yuma yipema yize Wanangana wa Zambi muyikalinga hali atu.—Usolwelo 11:15.

• Yuma yize yinalingiwa hano hashi yinasolola ngwo Wanangana wa Zambi unakundama. Yesu kambile ngwo muze Wanangana wa Zambi kanda uchineha sambikila hano hashi, hashi muhapwa jita, zala ni minyiko.—Mateu 24:3, 7.

  Ya ngwo Wanangana wa Zambi kwasala hakehe uhwise yuma yacho.