MWONO WA AKWA-KRISTU

Kuwahisa Uhashi Wetu wa Kwambujola—Hichika Chikuma Hanga Ukahase Kufuna

MUMU LIAKA CHILI CHILEMU:

Twakufupu kuhinjila meya ha mbuto jize twakutumba. (1 Kori. 3:6) Kashika, muze mutuwana mutu yoze unazange kulilongesa, chili chipema kumuhichikila chihula chize mutukakumbulula muze mutuhiluka. Chino muchimukwasa atushimbwile nawa muchitukwasa hanga tulilulieke. Muze mutuhiluka, mutuhasa kumulweza wika ngwetu tweza ni kukumbulula chihula chize tunakahichika.

CHIZE TWATAMBA KULILULIEKA:

Chela cha Yehova kanalilulieka hanga aye ni kumeneka mutu, mahanjika nenyi, nawa masoneka numero ya telefone ni jina

Hakululieka maliji akwambujola no, twatamba kululieka nawa chihula chize mutukahichikila atu hanga tukachikumbulule muze mutukahiluka. Chihula chacho hanji kachikumbulula mu mukanda uze tunahana kuli atu. Chipwe chihula chize anakumbulula mu mukanda twakulongesa nawo atu, uze tunazange kwahichikila muze mutukahiluka.
Muze mutuhwisa kuhanjika ni mutu yoze unazange kulilongesa, tumulwezenu ngwetu mutukeza tukashimutwine nenyi chihula tunalulieka. Twatamba kumwita numero yenyi ya telefone nyi muchilita.
Nyi twamulweza ngwetu mutukahiluka ha ola nganji, twatamba kuchilinga.—Mateu 5:37.