Wakuzachisa JW Library?

JW Library yili umwe ukwaso washi (aplicação de software) muyikukwasa kuchiza Mbimbiliya ni mikanda yikwo, yinema ni maliji akukopa anakatuka mu Mbimbiliya, hanga use mu telefone, tablet, hanji computador.

CHIZE MUTUHASA KUYIZACHISA: Yako ha internet hanga use JW Library kupalikila mu app store. App mahasa kuyisa mu tablet yeswayo yize yikwete Windows. Muze uchili ha internet, azulula app, nawa sakula yuma yize unambe kuchiza hanga use mu aparelho ye. Nyi kunushi internet ku zuwo, munuhasa kulinga chino ku Zuwo lia Wanangana, mu Biblioteca, ni mu cyber. Muze mupwa ni mikanda yeswe mufupa mu aparelho ye, kuchishi nawa ni ulemu kunjila ha internet hanga uyichize. Mumu kakusa mashimbu eswe yuma yaha mu JW Library, watamba kunjila matangwa eswe ha internet ni kusa app hanga uchize mikanda yaha nyi muyili.

MUMU LIAKA KUPWA NAYO? JW Library yakupwisa chashi kulinga longeso lia wika ni kukaula kukunguluka mu Zuwo lia Wanangana. Yakukwasa nawa mu munda chipi-chipi muze mutuzanga kwambujola kweswako.