Atambwisenu ni Zango Lieswe

Aya eno twatamba kutambwisa? Waze akwiza ku kukunguluka chetu—atu aha ni akulu. (Roma 15:7; Hepre. 13:2) Wano mahasa kupwa amwe mandumbu a mu chifuchi cheka hanji akwa-Kristu waze hanakokoloka mu ufulielo, waze meza ku kukungula chitangu ha mwaka. Achinyonga nyi ngeji wacho kali yena. Shina te kuuchi kuwahilila ha kukutambula kanawa? (Mateu 7:12) Mba mumu liaka kuushi kusa tachi hanga uhete kawashi ku Zuwo lia Wanangana hanga umeneke akwenu shimbu kukunguluka kanda chiputuka ni muze muchihwa? Chino chakukwasa kuneha chiseke ni zango, nawa chakulemesa Yehova. (Mateu 5:16) Chochene, kutuchi kuhasa kumeneka atu eswe waze ali ha kukunguluka. Alioze, nyi twalinga chihanda chetu ha kwatambwisa, ayo eswe mawahilila.a

Kutambula kanawa ngeji hi wika ko ha mashimbu a Chiwanyino cha Yesu alioze twatamba kuchilinga ha mashimbu eswe. Muze atu aha akwiza nawa akumona zango lia akwa-Kristu, zango liacho liakwakolweza hanga ahalise Zambi ni kulichinga ni yetu mu uwayilo ungunu.—Yoa. 13:35.